[A:485]gzod ma nyid nas bskyed rim mthar phyin cing rdzogs rim gyi rtogs pa klong du gyur pas grub pa brgyad dang zhi sogs kyi las rab 'byams la chags thogs mi mnga' yang thub bstan 'jig pa la nye ba lta bu byung na min pa sku la sngo ba sogs thugs sun 'byung ba'i ma rungs skye bo du mar drag shul gyi cho ga mdzad pa lta ci/ de dag mi dge ba'i mthus ngan 'gro mi bzad pa'i duHkhas mnar ba la brtse bas kun nas blangs te thugs rje rjes bzung gi ting nge 'dzin la gzhol/ bka' chos gnang tshe gsung gdangs snyan chags pa thos pa'i mod la sems khongs rang bzhin gyis lhod 'gro/ phyi rol tu nyon mongs pa me ltar 'bar bas gdung bzhin pa blo brel tshub tshub pa drung du slebs pa dang da res kyi sems gnas 'gyur/ ji tsam bsdad kyang sdod spro ba dang sku'i tshul khrims kyi dri bsung tshor bas khams gsal seng nger dngas/ thugs dam mdzad sar bsdad na byin rlabs kyis rang gi dge sbyor kyang gnas gzhan du byas pa dang ye mi 'dra ba yong / dbang rjes gnang gi dus zil che bas da lta rang byin rlabs khyad par can zhugs byung snyam pa 'byung bas mtshon te gsang ba bsam gyis mi khyab pa'i rnam thar dpog par mi nus pa blo dman rnams kyi yul ma yin no/ /'khon rigs 'jam dpal dpa' bo rim byon gyis/ /chig brgyud rin cen rtsing spyod 'dam bying las/ /rnam dpyod shing rtas 'dren pa'i sa skya pa/ /dbyi mong shul du skyes pa'i tsan dan bzhin/ /pha bzang gong ma'i phyag brgyud khyad par nor/ /pha rol