[A:487]bas/ /nges rnyed dad pa'i spu long ci yang g.yo/ /sku cung zad hreb pa sogs gang ci nas zhing 'dir bzhugs par mi bzhed pa'i rnam pa ci rigs byung bar khyab bdag bka' 'gyur ba chen pos brtan bzhugs dang gsol 'debs yang yang gnang ba'i thugs ngang rim gyis bsrings shing khyad par 'chi med mgon po'i sgo nas sku tshe spel ba'i gsung chog rgyas par mdzad dus dgun grang sgang yin rung tshe gtor zho ltar gyur pa sogs dpon slob gnyis ka'i thugs rje dang byin rlabs kyis ngo mtshar ci yang shar/ 'phrin las rgya mtsho zer bar blo skyon cher med 'dug na'ang zhabs drung dbon dbus phyogs su phebs 'gyangs zer mi mang bas rkyen byas dpon slob chen mo sku gdangs na ni smos ma dgos de min gzhan du gshegs na 'ong bar mchis rdo'i dos 'dra zhes skur pa btab pa byams pas snyan du gsol ba na kho bden dpon drung gi ngo ma spongs pa min pa lugs gang nas kyang sdod 'dod med gsung ba/ rje mkhyen brtse'i nyams mgur du/ snying nas dam chos 'tshol ba'i skye bo la/ /chos med skye ngan de dag lhag par sdang / /tha chad snum gyi dri ma phra mos kyang / /dkar gsal dar gyi kha dog nyams pa bzhin/ /bdud sprul skye ngan du ma'i bsam sbyor gyis/ /dad ldan 'ga' yang 'brel med mu cor sgrog /da ni khyed rnams bde bar bzhugs shig dang / /kho bo khyod dgyes bya ba myur bsgrubs kyis/ /dus kun sdig pa'i so nam ma mdzad par/ /zhim rgu bzhes shing bde bar gzims su gsol/ /zhes pa'i don