[A:༤༨༧]བས། །ངེས་རྙེད་དད་པའི་སྤུ་ལོང་ཅི་ཡང་གཡོ། །སྐུ་ཅུང་ཟད་ཧྲེབ་པ་སོགས་གང་ཅི་ནས་ཞིང་འདིར་བཞུགས་པར་མི་བཞེད་པའི་རྣམ་པ་ཅི་རིགས་བྱུང་བར་ཁྱབ་བདག་བཀའ་འགྱུར་བ་ཆེན་པོས་བརྟན་བཞུགས་དང་གསོལ་འདེབས་ཡང་ཡང་གནང་བའི་ཐུགས་ངང་རིམ་གྱིས་བསྲིངས་ཤིང་ཁྱད་པར་འཆི་མེད་མགོན་པོའི་སྒོ་ནས་སྐུ་ཚེ་སྤེལ་བའི་གསུང་ཆོག་རྒྱས་པར་མཛད་དུས་དགུན་གྲང་སྒང་ཡིན་རུང་ཚེ་གཏོར་ཞོ་ལྟར་གྱུར་པ་སོགས་དཔོན་སློབ་གཉིས་ཀའི་ཐུགས་རྗེ་དང་བྱིན་རླབས་ཀྱིས་ངོ་མཚར་ཅི་ཡང་ཤར། འཕྲིན་ལས་རྒྱ་མཚོ་ཟེར་བར་བློ་སྐྱོན་ཆེར་མེད་འདུག་ནའང་ཞབས་དྲུང་དབོན་དབུས་ཕྱོགས་སུ་ཕེབས་འགྱངས་ཟེར་མི་མང་བས་རྐྱེན་བྱས་དཔོན་སློབ་ཆེན་མོ་སྐུ་གདངས་ན་ནི་སྨོས་མ་དགོས་དེ་མིན་གཞན་དུ་གཤེགས་ན་འོང་བར་མཆིས་རྡོའི་དོས་འདྲ་ཞེས་སྐུར་པ་བཏབ་པ་བྱམས་པས་སྙན་དུ་གསོལ་བ་ན་ཁོ་བདེན་དཔོན་དྲུང་གི་ངོ་མ་སྤོངས་པ་མིན་པ་ལུགས་གང་ནས་ཀྱང་སྡོད་འདོད་མེད་གསུང་བ། རྗེ་མཁྱེན་བརྩེའི་ཉམས་མགུར་དུ། སྙིང་ནས་དམ་ཆོས་འཚོལ་བའི་སྐྱེ་བོ་ལ། །ཆོས་མེད་སྐྱེ་ངན་དེ་དག་ལྷག་པར་སྡང༌། །ཐ་ཆད་སྣུམ་གྱི་དྲི་མ་ཕྲ་མོས་ཀྱང༌། །དཀར་གསལ་དར་གྱི་ཁ་དོག་ཉམས་པ་བཞིན། །བདུད་སྤྲུལ་སྐྱེ་ངན་དུ་མའི་བསམ་སྦྱོར་གྱིས། །དད་ལྡན་འགའ་ཡང་འབྲེལ་མེད་མུ་ཅོར་སྒྲོག །ད་ནི་ཁྱེད་རྣམས་བདེ་བར་བཞུགས་ཤིག་དང༌། །ཁོ་བོ་ཁྱོད་དགྱེས་བྱ་བ་མྱུར་བསྒྲུབས་ཀྱིས། །དུས་ཀུན་སྡིག་པའི་སོ་ནམ་མ་མཛད་པར། །ཞིམ་རྒུ་བཞེས་ཤིང་བདེ་བར་གཟིམས་སུ་གསོལ། །ཞེས་པའི་དོན་