[A:486]g.yengs khyer ya ma brlas bor ba'i/ /pha chos gnas gsar bla ma'i bka' drin las/ /pha rgod kun dga'i mtshan can snyim par son/ /log rtog ba tshwas nyer gang chu klung che/ /snyan brgyud r-i Shis yan lag brgyad ldan du/ /bskrun par kha 'u'i brag nas stobs phrog dbang / /dgyes pas bram ze'i gzugs kyi zlos gar bsgyur/ /rdo rje srin po gzi byin 'bar ba'i steng / /rje btsun brtse chen mngon sum rab gsal ba/ /kho bos bstan pa'i mar me ches spar ba'i/ /me ro da gdod gsos zhes gzengs bstod snyam/ /phyag na padma'i dkyil 'khor 'khor lo ru/ /skye bdun sha la brten pa'i sgrub pa yis/ /srid pa'i duHkha bcil ba'i myong grol rdzas/ /'di ko ris bral 'gro srog 'tsho ba'i sman/ /dbang po'i gzhu ris phub pa'i lding khang na/ /phang phung manda ra ba'i 'dab 'phreng g.yo/ /sngon med dngar ba'i dri bzang rab 'thul ba/ /a ho legs bris mchod pa'i rnam 'phrul mtshar/ /ngan 'gro'i g.yang la gom pa yongs 'phyan pa'i/ /nyam nga'i 'gro mang thabs mkhas mdzad pa yis/ /'dren phyir kA la sha nang pad dkar 'chang / /mngon sum byon des yid kyi gdung ba sel/ /legs ldan dmar zlum spyan gyis chig brgyud snod/ /nyer gzigs lung bstan chos kyi rgyal tshab la/ /tshar chen bla ma'i gdams ngag bum pa gang / /thugs gsang za ma tog byo de rmad byung / /'jam mgon dgyes pa'i mkhyen rab mkha' ltar yangs/ /'jig rten dbang phyug brtse ba'i rjes su 'gro/ /lag na rdo rje'i mthu stobs gzi 'bar