[A:༥༢༨]འདུག །ང་བླ་མ་མཆོད་རྟེན་ལ་རེ་བའི་དུས་བྱུང་སྙམ་ནས་མཆི་མ་མང་པོ་ཤོར། སྐོར་བ་དུ་མ་བྱས་གསོལ་འདེབས་བརྒྱ་ཕྲག་མང་པོ་བྱས་ཤིང་དད་གུས་ཀྱི་ལུས་བརྣགས་ནས། མཆོད་རྟེན་དབུས་མ་དེ་ལ་འཇུས་ནས་བསྟན་པ་དང་སེམས་ཅན་སྤྱི་ལ་ཕན་པའི་སྨོན་ལམ་མང་པོ་བཏབ་ཁྱད་པར་སྐྱེ་བ་ཕྱི་མ་སེམས་ཅན་ཐམས་ཅད་རྗེ་བཙུན་རྡོ་རྗེ་འཆང་གི་ཞབས་དྲུང་དུ་སྐྱེ་བར་སྨོན་ལམ་དུ་ངེས་པར་བཏབ་པས། མཆོད་རྟེན་ལྔ་པོ་གཡོ་ཞིང་ལྡེག །དབུས་མའི་ཁེབས་གདུགས་ལྟར་གཡས་སུ་འཁོར་བ་ལས་འོད་ལི་ཁྲི་འདྲ་བ་མང་དུ་འཕྲོས་ནས་ངོ་མི་ཤེས་པའི་ལུང་པ་མང་པོ་གང་སོང༌། དྲིལ་བུ་དུ་མ་འདུག་པ་རྣམས་ཀྱང་སྐད་སྙན་པ་འབྲུག་ཙམ་སྒྲོག །དེའི་གདངས་ལས། སུ་ཞིག་ཁ་ཙམ་མ་ཡིན་དད་པ་ཡིས། །བླ་མ་མཆོག་ལ་ཕྱག་འཚལ་གསོལ་འདེབས་པ། །དེ་ནི་མྱུར་དུ་མངོན་པར་འཚང་རྒྱ་སྟེ། །རང་ཉིད་གྲོལ་ནས་གཞན་ཡང་སྒྲོལ་བར་འགྱུར། །ཞེས་ཐོས་པས་ཕན་ཡོན་འདི་ཙམ་ཡོད་པ་ཡིན་བྱས། ཟླ་བོ་ཀུན་ཁྲིད་ནས་སྐོར་བ་གསོལ་འདེབས་མང་དུ་བྱས། ངས་རྟ་ལ་ཞོན་བློ་བཟང་གིས་བལ་དྲ་པོ་ཏིས་གང་བ་ཞིག་ཁྱེར་ནས་ཐུར་དེ་ལ་བབས་ཕྱིན་པས། ཉང་སྟོད་རྒྱལ་ཁང་ཡིན་སྙམ་པ་ཞིག་ཏུ་སླེབས་པ་ན། སྡེ་པ་ནོར་བཟང་དྲུང་གིས་སྤོས་སྣ་བྱས། ཁང་པ་གཡབས་སྒོར་ཉི་མ་བྲོ་བ་ཞིག་ཏུ་སླེབས་ཨ་ཇོ་ལགས་སྐུ་མཆེད་ཀྱིས་ཇ་བུར་སོགས་ཀྱི་བཀོད་པ་ཡང་བཤམས་བྱུང༌། ཨ་ཇོ་ཆོས་ཀྱི་ཞལ་ནས་ཁྱོད་གང་ལ་འགྲོ་རྒྱུ་སོགས་དྲིས་བྱུང་བ་ལ་ལོ་རྒྱུས་རྣམས་ཞིབ་ཏུ་ཞུས་པས། ཁོང་ཚོའི་ཞལ་ནས། རྒྱ་གར་ནུབ་