[A:༥༠༡]གི་སྤྲུལ་པའི་གར། །ལེགས་བསྒྱུར་ཤཱཀྱ་སེང་གེ་དཀྱིལ་འཁོར་གཙོར། །རབ་བཞེངས་དགྱེས་མཛད་རྡོ་རྗེ་ཧེ་རུ་ཀཿ མཁའ་ལ་མཁའ་ཡི་སྦྱོར་ལྟར་གཉིས་མེད་ཡུམ། །ཟག་མེད་བདེ་ཆེན་བསྐྱེད་པའི་བདག་མེད་མས། །རྗེས་བཟུང་རྣལ་འབྱོར་དབང་ཕྱུག་བིརྺ་པ། །པཎ་གྲུབ་ཡོངས་ཀྱི་འཁོར་ལོས་སྒྱུར་བའི་རྒྱལ། །མགོན་དེའི་དབང་གི་མཐོ་རིས་ཆུ་བོའི་རྒྱུན། །ལོ་པཎ་སྐལ་ལྡན་ཤིང་རྟས་ཉེར་དྲངས་པ། །རྣམ་དཔྱོད་ལྟོ་བར་འཁྱིལ་བའི་དྲང་སྲོང་ཆེ། །ས་སྐྱའི་བླ་ཆེན་རྗེས་འབྲང་བཅས་ལས་སུ། །གང་གི་བསྟན་སྲོག་རྒྱུ་སྐར་འཕྲེང་བའི་དབུས། །སྙན་བརྒྱུད་ཚད་མ་བཞི་ཡི་སྣང་བའི་གཟི། །ཆེར་འབར་སློབ་བཤད་འཛིན་པའི་བདག་ཆེན་རྗེ། །རྡོ་རྗེ་འཆང་དབང་བློ་གྲོས་རྒྱལ་མཚན་དཔལ། །མགོན་དེའི་གདམས་པའི་བང་མཛོད་ཁའུ་པ། །ཀུན་སྤངས་བླ་མའི་སྙན་བརྒྱུད་ཟིལ་དངར་གྱིས། །ཐུགས་ཀྱི་ཟ་མ་ཏོག་གཏམས་ཚར་པ་རྗེའི། །དྲི་མེད་རིང་ལུགས་ཡིད་བཞིན་དབང་གི་