[A:501]gi sprul pa'i gar/ /legs bsgyur shAkya seng ge dkyil 'khor gtsor/ /rab bzhengs dgyes mdzad rdo rje he ru kaH mkha' la mkha' yi sbyor ltar gnyis med yum/ /zag med bde chen bskyed pa'i bdag med mas/ /rjes bzung rnal 'byor dbang phyug birWa pa/ /paN grub yongs kyi 'khor los sgyur ba'i rgyal/ /mgon de'i dbang gi mtho ris chu bo'i rgyun/ /lo paN skal ldan shing rtas nyer drangs pa/ /rnam dpyod lto bar 'khyil ba'i drang srong che/ /sa skya'i bla chen rjes 'brang bcas las su/ /gang gi bstan srog rgyu skar 'phreng ba'i dbus/ /snyan brgyud tshad ma bzhi yi snang ba'i gzi/ /cher 'bar slob bshad 'dzin pa'i bdag chen rje/ /rdo rje 'chang dbang blo gros rgyal mtshan dpal/ /mgon de'i gdams pa'i bang mdzod kha'u pa/ /kun spangs bla ma'i snyan brgyud zil dngar gyis/ /thugs kyi za ma tog gtams tshar pa rje'i/ /dri med ring lugs yid bzhin dbang gi