[A:༥༧༣]ལས་ཉེར་བསྟར་ཚེ། །རབ་འབྱམས་རྒྱལ་ཀུན་བཞུ་བླུགས་ཀྱིས་བསྟིམ་པས། །རབ་ཡངས་མཁའ་ལ་ངོ་མཚར་གཟིགས་མོར་ཆེ། །ཐུགས་གསང་དཔལ་གྱི་བེའུར་དབང་གི་ཆུ། །མ་ནུབ་གཡས་སུ་འཁྱིལ་བ་བརྒྱུད་པའི་འཕྲེང༌། །སྣང་སྲིད་རི་མོར་འདྲི་ལ་ཟླ་མེད་པས། །བསྐྲུན་ཚེ་སྒྱུ་མའི་ཁེངས་པ་ཐུང་ངུར་བྱས། །དྲེགས་ལྡན་ལངྒའི་སྟོབས་ལས་མི་འཇིགས་པའི། །རྣམ་དཔྱོད་ཡངས་པའི་ཉག་ཕྲན་རྩལ་ཆེ་ཡང༌། །ཡོངས་འཛིན་རགྷུའི་བཀའ་ལས་མི་འདའ་བའི། །རྒྱལ་སྲས་སྤྱོད་པའི་ཁུར་ཁྱེར་དགའ་བྱེད་ལྷ། །ཤིང་ཕོ་བྱི་བའི་ལོ་འགྲོ་བའི་བླ་མ་ཤཱཀྱ་སེང་གེས་དཔལ་ལྡན་འབྲས་སྤུངས་ཀྱི་མཆོད་རྟེན་ཆེན་པོར་ཆོས་ཀྱི་རྒྱལ་པོ་ཟླ་བ་བཟང་པོ་ལ་དང་པོའི་སངས་རྒྱས་དུས་ཀྱི་འཁོར་ལོའི་རྩ་བའི་རྒྱུད་སྟོང་ཕྲག་བཅུ་གཉིས་པ་བཀའ་སྩལ་བའི་དུས་ནག་པ་ཟླ་བའི་གཟའ་ཚེས་དུས་སྦྱོར་བཟང་བར་དབུ་བཙུགས་ཟླ་བ་བརྒྱད་ལ་ཉེ་བའི་བར་ལམ་ཐུན་མོང་བ་སྣང་བ་གསུམ་སེམས་བསྐྱེད་ཆེན་མོ། རྒྱུ་དབང༌། ལྟ་བ་འཁོར་འདས་དབྱེར་མེད། ཕྱི་སྐྱེད་པའི་རིམ་པའི་འཁྲིད། ལམ་དབང༌། ནང་ལུས་ཀྱི་བསྐྱེད་རིམ། ལམ། ལྟ་བ། གྲུབ་མཐའ། འདའ་ཀ་མ། བར་དོ། རྨི་ལམ། སྒྱུ་ལུས། དབང་ཕྱི་མ་གསུམ་གྱི་འཁྲིད། རྡོ་རྗེ་བདག་མེད་མ་ལྷ་བཅོ་ལྔའི་དབང༌། ལམ་ཟབ། བིར་སྲུང་ཕྱི་ནང༌། སྒྲུབ་པ་ལུང་སྦྱིན་གྱི་མཐའ་བརྟེན་པ་ལ་དེ་དག་ལ་དགོས་པའི་སོ་སོའི་སྐབས་ཀྱི་རྒྱབ་བརྟེན་ལུང་དང་བཅས་པ་གསུང་ངག་རིན་པོ་ཆེ་སློབ་བཤད་ཚད་མ་བཞི་ལྡན་རྗེས་འབྲང་གི་མཁས་གྲུབ་ཕལ་ཆེར་ལ་མ་གྲགས་པའི་སྙན་ནས་སྙན་དུ་