[A:600]gzi ldan dbang phyug gi sgrub thabs/ gdong bzhi pa'i bsnyen sgrub las gsum gyi lung sogs snga phyir dam pa'i chos kyi bka' drin mang du gsan par gnang / dgongs pa rin po che chos kyi dbyings su rdzogs pa dang phyi rabs gdul bya rnams kyi legs byas rgya mtsho'i zhing gi ched du e nas sprul sku mkhas pa chos 'phel can lnga bkug ste bzo gra btsugs shing rdo rje 'chang gi sku tshab mgul pa yan rje bla ma dam pas phyag bzo gnang bas zhal khyim mngon sum lta bu mthong thos dran dang reg pas rnam par grol ba'i byin rlabs kyi gzi byin 'od du 'bar ba gtso bor bzhugs pa'i mtha' skor du sangs rgyas rdo rje 'chang / rdo rje bdag med ma/ grub chen bi rU pa/ brtse chen snying po'i zhabs/ slob dpon rin po che/ rje btsun rin po che/ chos rje paNDi ta/ chos kyi rgyal po 'phags pa/ tshogs sgom rin po che/ nyan chen bsod nams brtan pa/ rgyal ba brag phug pa/ dpal ldan bla ma dam pa/ chos rje dpal ldan tshul khrims/ grub chen buddha shrI/ ngor chen rdo rje 'chang / mus chen 'khor lo sdom pa/ bdag chen rdo rje 'chang / rje btsun kha'u pa chen po/ tshar chen chos kyi rgyal po/ thams cad mkhyen pa mkhyen brtse'i dbang phyug /mtshungs med gzhon nu blo gros/ mkhan chen bslab gsum rgyal mtshan bar gyi lam zab brgyud pa'i snang brnyan gyi zhal khyim bzo bos dpe ma lon pa mi 'phyugs pa'i khyad nas phyag sor gyis bskrun pa dang bcas par gnas chen du ma'i sa sna rdo sna/ dam rdzas khyad par can/ sman sna/ dar sna sogs bsres pa'i sku rgyu la byad dbyibs bgres gzhon bzhugs stangs na bza' kha dog rnams dpe khungs btsun dang gsung rgyun las byung ba ltar la de bzhin gshegs pa'i 'phel gdung gis gtsos yungs 'bru lta bu'i ring bsrel/ bla ma gong ma de dag gis mtshon pa'i dam pa du ma'i sku bal dang sku gdung gi ring bsrel/ rgyud sde rnam bzhi'i gzungs chos sku'i ring bsrel gnod sbyin 'khor lo sogs gzungs bzhugs kyi rim pa rten bzhengs so byas so pa'i 'jig rten chos brgyad lhur len pa dang mi 'dra bar dam pa'i phyag bzhes 'khrul pa med par thugs ru shin tu nga ba rnams kyi bzhugs khri na bza'/ mdun lcog /cang te/ rdor dril/ nang mchod ka pA la/ bum pa/ zhal dkar/ spyi blugs/ bzed zhal sogs rung mthun mkho ba'i yo byad rnams sla chos su ma song ba'i legs par bsgrig pa gnang ste bkra shis chos kyi 'dus gra chen por lam zab bla ma lha khang ngo mtshar ba grub par gnyis su med pa dpal dgyes mdzad rdo rje man ngag lugs lha dgu'i dkyil 'khor dang rjes su 'brel ba'i rab gnas nyin gsum ma'i sgo nas 'og min zhing khams rgya mtsho nas ye shes pa ganggA'i klung gis bgrang bar mi nus pa spyan drangs te dam tshig pa dang ro gcig tu brlabs pa de'i tshe 'chi med kyi lam kun gur gyi dbyibs lta bu'i 'ja' ris sna lnga bkrag tu 'tsher zhing gsol gdab sems bskyed kyi dus me tog gi char babs pa thams cad kyi mngon sum pa'i spyod yul du gyur/ bzo bo rnams kyang yon gyis tshim pa sogs lha mchod mi mchod rgyas par mdzad/ sa stag hor zla bcu gcig pa'i dmar chen gtor bzlog gi rdo rje slob dpon du phebs skabs dge slong ye shes blo gros kyi mthong snang la/ gsol lcog gi khar skra lo dang kong rna btags pa'i