mgo zhig mi nag po zhig gis khyer nas bzhag song ba ring por ma lon par sde ba'i nang zan chos sder shin tu brnag pa/ khyab 'jug gza'i gdong thug gis skad cig la 'jig rten pha rol tu song ba'i mi nag po de ni 'chi bdag gshin rje'i rgyal po pu tra nag por nges so/ /dwags po phyogs su bkag po'i zi bun la brten pa'i 'khrug zing cher song ba gra dol yar klungs lho byang gi dmag dpon bkras sgang nas kyis byas nas phyin skabs sde pa bkra shis rtse pa'i sku rim du 'jam dpal gshin rje dmar po rlung sgrub kyi dgra mnan gyi las sbyor bzhis kar gnang ba'i tshe gtor ma las khrag rgyun mang du 'dzags pas lcags slang khengs shing mchod dpon 'jam dbyangs rgyal mtshan gyi rmi lam du sa dong ring por srog chags mang po 'jug pa dang 'gro ba rmis tshul zhus pa na las sbyor 'di rigs la rmi ltas de bzhin 'ong gsung / nub cig stob pa'i gtor ma phul dus mchod dpon gyi rgyab dang mdun steng du gzugs mi mthong ba'i hab sha /cag cag /shab be shob be sogs kyi sgra thos pas 'jigs zhum zhum byed pa sogs ltas legs pa/ brag kha ba'i dmag dpon skyer po gong 'og gis mtshon shor thal che ba byung yang bkra shis rtse ba dpon g.yog nyes skyon med pa'i dge mtshan du gyur/ rgyud kyi rgyal po dpal dus kyi 'khor lo rwa 'bro shong gsum gyi 'gyur dang jo zhal sogs mkhas pa du ma'i bzhed srol mang ba'i nang nas gtso bor gyur pa rtsod dus kyi rgyal ba gnyis pa thams cad mkhyen pa bu ston rin po che'i yig cha sor bzhag gi dkyil 'khor sgrub mchod 'dzugs par bzhed de sa yos hor zla dang por dpe rnams grwa pa tshor bkram pa'i blo 'dzin byed du bcug /zha lu nas bla chen mkhyen rab pa bos pa'i dpon slob tshang mas gar thig sbyong bstar gnang / rjes sor slob dpon 'phel khyad nas deng sang gi sgrub rnying bla ma 'jam dbyangs rgyal mtshan/ gzims khang shar bla ma dpal ldan rgyal mtshan/ nang so tshe 'phel gsum yang bskyar sbyong bdar byed du 'jug pa mdzad/ gar pa nyi shu'i gar gos/ pang khebs/ rus rgyan/ skra zhwa/ rtse phran/ rdo dril/ bsdus rgyud kyi bshad khungs dang 'brel ba'i rnam bum che legs bcu rnams thugs rtsol ba chen pos legs par bsgrig par gnang ste grwa pa rnams sku gsung thugs yongs su rdzogs pa'i dkyil 'khor du smin par mdzad nas nam mthongs zla ba phyi ma snron gyis nya ba'i dus tshes gza' skar sbyor byed bzang por btsugs pa'i sa gar gyi skabs rje nyid gar dpon du phebs pa'i sku rgyab kyi bar snang la yi ge dbu can gyi tshigs bcad 'dug pa zha lu bla chen gyis mthong zhing blor zin na'ang rjes su ma dran/ sbyin sreg gnang ba'i sar mchod gar ba rnams 'gros dang bcas 'byor pa dang dus mnyam du nam mkha' g.ya' dag pa las me tog gi char babs/ zhag sbrel gyi bar dpal ldan rgyu skar gyi 'khor lo'i gtso bor khyab bdag bla ma dbang phyug rab brtan bzhugs par sgrub mchod kyi dga' ston cha bsags kyi grong khyer la 'gran par gyur/ 'di lo grabs gshoms stabs kyis snron zlar mdzad kyang lo phyi ma nas nag zlar btsugs so/ /e nas dpon yig mkhas pa kha shas bkug nas mkhan chen thams cad mkhyen pa tshar pa chos rje'i gsung 'bum po ti bzhi/ bkra shis rtse'i dpon sa dbang 'dus rgyal mos sbyin bdag mdzad