/ /byin rlabs de ayon padma khos gnang ba/ /'di ko sngon gyi las 'phro zhig yin nam/ /a ho ngo mtshar du che byung / /ngas bshad pa de dam chos phyogs med cig bshad kyang / /'gro phan de gsang sngags rnying ma la byung ba/ /'di ko sngon gyi las 'phro zhig yin nam/ /a ho ngo mtshar du che byung / /zhes gsungs pa blo chung ci rigs kyi khong bar mi shong yang 'khon klu dbang srungs nas dkon cog rgyal po yan la rnying ma bka' ma'i sngags 'chang sha stag tu byon zhing / de nas kyang yi dam yang phur dang chos skyong dkar bdud la mdzad la/ mnyam med bsam gtan gling pa'i a ti yang phur gyi rdzogs rim khyad par can dang rje btsun rdo ring pa chen po'i sku thog tu'ang rnying ma ba'i sngags 'chang 'ja' lus grub pa gnyis tsam byung tshul bla chen ru thog pa nam mkha' gzi brjid kyis gsungs pa ltar tshar chen yab sras bka' gter chos kyi gnad mkhyen pa'i thugs gtsigs che tsam gnang ba'i rgyun bzhin rje bla ma 'di nyid kyis kyang klu sgrub rjer gsan pa tsam du ma zad nyang ting 'dzin bzang po dang mnga' bdag nyi ma 'od zer sogs grub brnyes nyang rigs stod smad mang por gyes pa'i nyang ston sman lung pa mi bskyod rdo rje'i gdung rigs las son cing bla ma mnga' bdag gi byang las kyi mkha' 'gro'i bka' babs gnyos zhig chen po nas rim brgyud khra tshang pa'i snag dpon rje khyab bdag blo mchog rig pa'i rdo rje zhes paN chen bi mA la mi tra'i sprul par lung gis zin pa de la gter kha 'og ma bla ma yongs rdzogs kyi dbang lung / bka' brgyad gsang ba yongs rdzogs kyi chos skor/ rta mgrin dbu dgu phyag bco brgyad pa'i sgrub skor/ rta mgrin nag po lcags ral can gyi dbang lung / 'char ka gnam skas ma'i sgrub skor/ thugs sgrub dregs pa tshar gcod du grags pa'i drag dmar gyi dbang lung / phyag rdor gtum po'i seng ge sgra sgrog gi dbang lung / dregs pa dbu dgu'i srog dbang lung bcas/ dzam bha la dmar po'i chos skor/ gra pa'i 'dzam dmar gyi sgrub skor/ dung tsho ras pa'i rdzogs chen yang ti nag po gser gyi 'bru gcig ma'i dbang lung khrid bcas/ ratna gling pa'i thugs sgrub yang snying 'dus pa'i dbang lung / gu ru drag po'i dbang che 'bring chung gsum sgrub skor lung bcas/ nyang gi bla ma dmar 'khrid kyi chos skor/ gter rgyud snying po'i dbang lung / rta mgrin nag chung lha brgyad kyi dbang lung / snang rtse ba'i rta nag gi dbang lung / gdugs dkar lha bcu bdun ma'i dbang / pha dam pa'i 'jam dbyangs chos skor/ sgrol ma'i mtshan brgya rtsa brgyad dang mthun pa'i rjes gnang / 'khrungs rabs so bzhi pa'i lung sogs mang du gsan/ chos dbang rin po che'i gdung 'dzin lha bro sprul sku karma gu ru zhes lo chen bai ro tsa na'i sprul par lung gis zin cing bka' gter chos kyi srog shing chen po gang de'i gdams pa'i bka' babs sgrub mchog chos dbang bsam grub kyi gdams pas thugs rgyud yongs su gang ba'i mthus srid pa'i phun tshogs mtha' dag chu shing gi 'bras bu dang me 'obs lta bur gzigs nas chos brgyad kyi bun long thams cad rgyab tu bskyur te bas mtha'i dben gnas su lhun grub snang ba bzhi khor yug tu 'da' ba'i mtshungs med chos dbang kun bzang la chos dbang gi bla ma gsang 'dus kyi dbang lung /