tha skar skyes/ /'jam mgon mtho ris dbang po'i blo yi sman/ /gangs can 'dzin ma'i mngal du bstan pa'i dbu/ /thog ma sbrums pa'i pho brang yum bu ru/ /kun yid tshar du mngar ba'i brjod pa'i mtha'/ /'tshol la khyab 'jug gom pas ma bgrod ngal/ /ris bral 'gro la rang bde gtong nus pa'i/ /rgyal sras spyod la bslab pa'i sems dpa' che/ /khrag 'thung ye shes rdo rje'i mtshon rnon pos/ /brtse med dgra bgegs don snying 'bigs 'di ci/ /hor zla drug pa'i nang du chibs kha bskyod de gong dkar rdo rje gdan gyi lha gling spyil por phyi rol rnam par g.yeng ba'i 'du 'dzi thams cad rgyang du bsrings nas sku gsung thugs lha sngags ye shes kyi rol pas khor yug tu 'da' ba'i bcad rgya zla ba brgyad kyi ring mdzad pa'i skabs dam bca'i phyag bris su gnang ba sku'i bkod pa bsdus rjes rnyed pa las 'di ltar/ oM bde legs su gyur cig /rang byung lhun grub ye shes khyab brdal las/ /ma 'gags rang rtsal sprul pa'i sku ru byon/ /'gro ba kun gyi skyabs gcig padma 'byung / /khyad par bdag gi 'di phyi'i mgon gcig pu/ /khyed la gsol 'debs snying nas skyabs su mchi/ /rgyal ba gang de'i ye shes rnam rol las/ /sprul pa'i zlos gar bshes gnyen dam pa'i tshul/ /mdo sngags gsar rnying bka' gter ma lus pa/ /nyi ltar gsal mdzad mkhyen brtse'i dbang phyug mkhyen/ /de yi rdo rje ye shes rnam gsum gyis/ /bskrun pa'i rgyal tshab grub dbang rdo rje 'chang / /bka' drin mnyam med dbang phyug rab brtan gyi/ /zhabs la phyag 'tshal gsol 'debs skyabs su mchi/ /chos dbyings bde chen mtha' bral ngang nyid las/ /gang 'dul thabs kyis 'gro ba rjes gzung phyir/ /zhi dang khro dang zhi ma khro yi tshul/ /rab 'byams lha tshogs bdag gis bsnyen cing sgrub/ /rdo rje 'chang dbang thugs las rnam sprul pa'i/ /rgyal ba'i bstan srung ma rungs tshar gcod pa/ /drag shul mthu ldan dam can tshogs rnams kyis/ /byang chub bsgrub pa'i grogs mdzod bar chad sol/ /ji ltar 'dab bzang dbang po mkha' la bgrod/ /de la 'gran min nyam chung bung ba'i tshogs/ /rang rtsal 'bad nas nam mkhar 'phur ba ltar/ /sngon byon dam pa rnams la 'gran min yang / /rang nyid 'khor ba'i 'dam las rab brgal nas/ /ma rgan 'gro ba smin grol la 'god phyir/ /dam pa'i rjes zhugs go cha cher gyon nas/ /nyon mongs dgra tshogs g.yul las rnam rgyal te/ /sku bzhi'i rgyal srid 'thob phyir ngas 'dir 'bad/ /de la 'a zha'i rgyal rigs las byung ba'i btsun pa mkhas grub dam pa mang po'i dbon du gyur cing rjes su bzung ba/ dam pa'i chos tshul mang du thos pa/ rgyu 'bras kyi chos la bden pa'i dad pa thob pa/ bla ma rgyal ba sras dang bcas pa la mi phyed dad pas phyug pa ming gnas gsar dbon po mgon po bsod nams mchog ldan zhes bgyi ba bdag yongs 'dzin bla ma mang pos thugs rjes su bskyangs pa'i dbang 'khrid gdams pa mang du thob kyang rang nyid kyi rgyud la ni ma 'byor/ lung rtogs dang sbyangs pa'i yon tan ni med/ shes rab dang brtson 'grus ni zhan/ dka' spyad sdug rus ni chungs/ le lo dang snyoms las ni che/ sbyin stobs dang bsgoms stobs ni nyung / gnyid rmugs dang rnam g.yeng ni mang / de la sogs pa'i skyon dang nyes pa ni brjod pas mi lang / yon tan dang dge ba ni btsal