cung zad kyang med bzhin pa nas yar klungs su bde bar phebs te gdan sa chen po nyid du stan chags/ bla ma bka' brgyad yongs 'dus kyi spyi lung mdor bsdus snying po las/ khyad par gdug pa sbrul gyi lo shar dus: gnam rtags 'od dkar skya rengs yang yang 'char: gza' skar 'khrug cing byang du hor sog g.yo: 'ol dga'i phyogs su chos pas rkyen byas 'khrug: dbus gtsang sde 'khrug 'gro rnams nyam thag 'gyur: sa g.yos nad rims lo gsum lo nyes 'byung : lo dgu'i bar du dbus gtsang dbu rur 'tshog: ces pa dang / yol mo sprul sku gter ston bstan 'dzin nor bu'i gter gsar du/ yos kyi lo la ngal gso byed: 'brug gi lo la 'brug ltar ldir: sbrul la sbrul shun lta bur 'thor: de phyir yos bu'i lo la long : zhes pa'i lung bstan dus la bab pa'i gtsang sog gi dus 'khrug chen po langs par nye ba mchog dman mtha' dag blo 'tshub par brten gtsang sde srid nas sa rnying gi sngags sde phal cher la sog bzlog gi sku rim btsugs pa'i rnam grangs mang tsam byung song ba dang phyogs mthun du bslab ston dang bstun pa'i dmar chen gtor bzlog gi tshe zangs gri can gyi gtor ma sgo phyogs su 'chus shing yungs kar gang bzang rnams rang bzhin gyi sil sgra chad med sgrogs/ gtor ma 'phen sar gtor ma las me lhab kyi 'bar te rtse mo nas btso byang shar phyogs su rgyugs pa sogs rdo rje chos skyong rnams bran du bkol ba'i mthu stobs rdzu 'phrul bsam gyis mi khyab cing de lo lho byang kun tu dus kyi chad pa'i brdabs gsigs sna tshogs byung na'ang yar klungs stod smad kyi sde dgon yul gru tshor gnod pa cher ma byung ba'i khar sgos su dmigs med kyi dbyings su rgyas 'debs pa'i gra bsgrig klungs su ma rgyugs pa'i nyes pa rnams rim gyis zhi bas nus mthu'i gzi byin 'od du 'bar/ 'on kyang lo 'di dang chu rta'i bar stod smad kyi bde gzar gcig mjug gcig non lta bu'i rgya mtsho'i rlabs ltar yol ba med pas 'khor lo gsum gyi mdzad 'phrin ha cang gi rgya che ba gnang ma thub rung gdan sa nyid du stan chags shing / gong dkar chos sder yang nyi ma gling du chos kyi gsan pa mdzad/ khra 'brug gi li ma rnams byin rlabs zhu mi mangs par brten dreg pas nogs pa chu lug sde pa bkra shis rtse pas sbyin bdag mdzad de star bu sogs kyis bkrus nas gsar pa lta bur song bar zhal gser spyan 'byed dbu mthing gi zhig gsos/ rje nyid nas ras las grub pa'i stod smad kyi gos zungs 'bul ba gnang / lcags sbrul bde gzar skabs rgyal khang bshig par brten gnas rnying rgyal po rten med du song ba'i e gnyal yar klungs lho kha phyogs su 'khyar ba'i gnod pa sna tshogs byas pa 'di dus khra 'brug gi phyag bzhi pa'i mgon khang mdor yod pa sna mo shag grub chen pas rab gnas kyi sbyin bdag zhus te rje nyid phebs rgyu'i snga nub lha 'dre'i dmag sgar rnams 'ur ba'i chu byang khar song ba legs bshad gling pa'i grwa pa dge slong rje btsun zer ba'i mig mthong shin tu gsal bas nges shes 'drongs pa'i ya mtshan du byed pa bcom ldan 'das he badzra'i rnam par rol pa'i gzi byin ma bzod par snang / de'ang gter kha mang por gnas chen rnams la rab gnas bskyar na bod 'bangs kyi bde thabs la phan par gsungs pa bzhin mchod yon thams cad thugs rtse mthun te thog mar sde