brgyad cha mnyam pa'i phyir bsangs dang gser skyems/ dngos gzhi dgyes mdzad rdo rje'i dkyil 'khor la brten nas rab tu gnas shing me tog gi char chen po phab pa'i tshe lha sras kyi phyag bzo'i dpal ayon chen po'i sku la rang nyid kyis nga 'dra gsungs te mkhur tshos la phyag mdzub btsugs shul rgyal blon gyi dus nas kyong tsam yod pa'i nang du sngar med pa'i a 'bur dod gsal ba dkon gnyer gyis mthong ba sogs gangs can bde legs spel ba'i rtsa lag tu gyur/ sbrul lo bstan pa spyi rim sogs mdzad par bsnyad gzhan sbyor phun tshogs mi bzod par phrag dog can 'dras snyan phra sna tshogs phul bar brten sa skyong bsod nams rab brtan kyang thugs kyi 'dzin stangs gzhan du gzhol ba'i gnang sgo la gzhogs drud de dgon gnas la 'pho len sogs bka'i lung lci ba'i chad pa 'dra 'ong ngam zhes brjod rigs du mas phyogs de'i skya ser phal cher re dogs dang som nyir gyur par sde pa bkra shis rtse bas dag sangs kyi rgyu mtshan phul ba 'gab tshul zhus tshod du 'dug rung ha cang dbyings ches pas mdzub mos gnam mi theg pa'i dpe bzhin zhu 'bul sna phebs yod pa dka' ba dang rje nyid kyi dgongs pa ni/ thams cad mkhyen pa'i gsung mgur du/ sdug mi 'dod ci dang ci byung yang / /de byur ngan rang gi nyes pa yin/ /mi gzhan la sdug yus mi 'tshong ba/ /da ci nus kun gyi sdug bsngal 'khur/ /skyid bde ba ci dang ci byung yang / /rje mnyam med bla ma'i bka' drin bsam/ /bdag rang gi bsod nams mi bgyid par/ /da 'gro drug kun la mnyam par 'bul/ /zhes gsungs pa ltar/ skyid na dkon cog gi thugs rje dang sdug na las ngan 'dzad pa'i chos thog tu 'jog bzhed kho nas lha btsun bo dhi rA dzas/ jo bo chen po bsam yas su bzhugs par ma 'dod pa'i tshe/ gang na 'thab cing rtsod pa bas/ /dpag tshad brgya yi pha rol 'gro/ /zhes gzhan du phebs pa'i lo rgyus dang mtshungs pa'i 'phral rkyen bskul ma lta bu'i don lo gsum gyi bzhed pa 'grub pa'i dus bab kyi ring por ma lon par zhwa lur phebs te lo gsum gyi bar ri phug gi rnam grol yang rtser shing sprel hor zla bdun pa'i tshes bcu gsum nas phyi rol gyi rnam g.yeng mtha' dag rgyang du bsring bar mdzad pa'i kye rdor bsnyen chen/ rigs 'dzin gdung sgrub/ nA ro mkha' spyod/ ma hA mA ya/ dgra nag /bde chen ral gcig /gsang 'dus mi bskyod pa/ dus 'khor sogs rgyud sde bzhi'i dkyil 'khor dang lha phran gyi rim pa sku na phra ba'i dus gnang ba nas bzung da lam stan thog gcig tu grub pa yan chad bsdoms par lcags 'brug dam bca' gnang ba'i brgya rtsa brgyad po lhag dang bcas pa legs par song bar gong gi lha grangs kyi ljags bsnyen zhib cha'i tho ma rnyed cing dam bca'i ljags bsnyen brgya po dang rgyun bzlas mi the ba'i snga phyir mang tsam mdzad pa'i bsnyel tho'i snying po bsdus pa 'di lta ste/ skyabs 'gro bzhi khri'i bzhi stong bzhi brgya/ sems bskyed sum brgya/ yig brgya nyis 'bum chig khri dgu stong brgyad brgya/ badzra satwa drug 'bum chig khri/ maNDal nyis stong nyis brgya/ badzra gu ru sa ya gnyis dgu khri bdun stong / tshig bdun ma bzhi khri bdun stong bdun brgya/ sngags 'chang bsod nams chos 'phel gyi sku bstod skyabs gnas ma sum khri brgyad stong bdun brgya/ rdo rje 'chang