pa'i don mang tshul bzhin cung zad rtogs pas/ /mang thos tshogs pa'i dbus na mkhyen brtse'i dbang phyug skyid do/ /zhes pa'i don 'di nyid kyi rnam thar du song ngo / /gung thang pa rnams gtso bor gyur pa'i khrom la grub rgyal lugs kyi tshe dbang dang / ma Ni ba rnams la thugs rje chen po gtso 'khor gsum pa'i rjes gnang stsal/ bar der mong bza' khri btsun gyis btab cing slob dpon chen po padma saM bha wa dang mnyam med jo bo chen po dI paM ka ra sogs dam pa du mas byin gyis brlabs pa yer ba'i gnas mjal bar phebs te rten brten pa rnams la yan lag bdun pa rgyas par phul/ 'tsho rgyal phug tu gsol 'debs le'u bdun ma'i skabs sku chos la tshe chu thigs pa re gnyis babs pa je 'phel la song ba nas dpon slob thams cad la mchod rgyu byung zhing snod du blug ste bsnams phebs rgyu sogs ye shes mkha' 'gro'i gtso mo des rjes su bzung ba'i mtshan ma khyad par can du gda'o/ /zur kun mkhyen chen por gsan pa bla ma nor bu rgyal mtsho'i sgrub dbang / bka' brgyad bder gshegs 'dus pa'i dbang / ratna'i klong gsal snying thig gi chos skor/ dam can skyes bu'i srog dbang lung bcas/ gshin rje tshe bdag lcags 'dra dang lcags sdig /khro chu/ dri med lhun po'i don tig 'gro ba kun sgrol rnams kyi dbang lung yongs rdzogs/ rlung dmar gyi skor/ rdor 'bum chos grags kyi bdud rtsi bum pa dang / g.yu thog snying thig gnyis kyi dbang lung / brang ti'i gdams ngag dngul bre'i drang srong ser skya'i sgrub lung / sangs rgyas gling pa'i rnam sras ser chen gyi srog dbang lung bcas/ gra pa'i zhang blon las tshogs kyi lung / las 'brel rtsal gyi bdud mgon gyi bka' gtad dregs dbang lung bcas/ 'bro lo'i khams gsum 'khrug byed rlung nag gi skor/ bram ze sdom bzang gi rlung 'khor/ bla ma zhang gi bka' 'bum pod bzhi bka' rgya ma dang bcas pa/ snar thang brgya rtsa'i rjes gnang lung bcas sogs chos bka' mtha' klas pa gsan/ 'di dang lcags stag gi chos 'khor gyi 'dus pa dang gnyis kyi gtso bo skyed tshal mkhan chen byams pa ngag dbang bstan 'dzin yod par snang ngo / /hor zla dgu pa'i nang du khyab bdag bka' 'gyur ba 'bras spungs su phebs nas pha dam pa'i 'chi med mgon por brten pa'i ring por 'tsho ba'i rten 'byung gi gsung chog rgyas par gnang / rje mkhyen brtse'i gsung mgur du/ yongs bla ma bsten pa mang na yang / /khong slob 'khor rgyas pa'i 'ur rgyang can/ /sgrob gang che'i rjes su rgyug pa las/ /rje mtshan ldan bsten pa dkon na yang / /dpal rgyal ba kun dngos sgo rum pa/ /sras tshar pa'i zhabs pad bsten lags pas/ /bdag sprang po bsams bzhin skyid du tshor/ /khyed mched grogs tsho'i thugs la ji ltar gda'/ /zhes pa'i don ltar sku gsung thugs kyi mdzad pa la gus par byung bas/ /tshar chen chos kyi rgyal pos zab lung bder gshegs 'dus pa'i sku brnyan drung du mdzad pa'i ayon rin po che'i gsol 'debs kyi lung dang tshar chen gyi phyag dpe ngos ma'i ha la nag po'i be'u bum mgo thog tu 'jog pa gnang ba'i bka' bsgo zhig zhus phebs rdzongs gzabs rgyas dang bcas yar lam zur kun mkhyen bla ma dang zhal rgyas ngos rgod dkar la brgyud dpal zan g.yang lhun gyis grub pa'i gtsug lag khang chen por phebs te dbu rtse