ro mkha' spyod kyi byin rlabs/ rgyab rten gyi lung / rdo rje phreng ba zhe lnga ma/ bde mchog lU i pa'i dbang bka' babs bdun ldan/ nag po pa/ mkha' 'gro rgya mtsho'i dbang bka' babs bzhi ldan/ gshin rje dgra nag ra lugs bcu gsum ma/ gdan bzhi lha dgu bcu rtsa bdun ma/ bde mchog bong zhal can lha so bdun ma'i dbang / gsang ba 'dus pa sa lugs lha bcu dgu ma'i dbang / gshed dmar lha lnga'i dbang brgyud pa sum ldan/ 'jigs byed lha zhe dgu ma dang ro langs brgyad skor/ ku ru kulle lha lnga/ gur mgon lha lnga sindhu ra'i dkyil 'khor la brten pa/ dam pa lugs kyi 'jam dbyangs smra seng gi dbang / dze tA ri lugs kyi tshe dpag med lha dgu rnams kyi dbang / de'i sgrub thabs dbang chog bstod pa dze tA ris mdzad pa/ dkon cog lhun grub kyi dkyil chog dang bcas pa'i lung / 'dod rgyal gsang sngags sgra'i rjes gnang / bram ze nag po'i mngag gtad thun mong ma yin pa/ 'jam dbyangs a ra pa tsa na'i rjes gnang / de'i sgrub thabs sa paN gyis mdzad pa dang rjes gnang gi yi ge ngor chen gyis mdzad pa/ brtag gnyis/ tshe mdo le tshan gnyis/ mi 'khrugs pa'i rgyud rnams kyi lung / gnyan sgrol yan lag drug pa'i rjes gnang / mtshan brgya rtsa brgyad pa'i lung dang bcas pa/ nA ro mkha' spyod kyi byin rlabs kyi cho ga tshar chen gyis mdzad pa dang rje nyid kyis mdzad pa'i gur mgon gyi sku rten bzhengs tshul rab gnas dang bcas pa'i lung / tshe dpag med grub rgyal lugs kyi nyams 'khrid/ sgrol dkar yid bzhin 'khor lo 'od zer drug sbrags thun mong ma yin pa'i rjes gnang rnams thugs dgyes pa chen po'i sgo nas stsal zhing gser dngul gos dar ja ras 'bru sogs zang z-ing gi maNDal chos yon du bteg /de yang / kun mkhyen mkhyen brtse'i gsung mgur las/ sprang po las ngan gyi dbang gis snyigs dus mtha' 'khob tu skyes kyang / /tshe sngon dag pa'i smon lam gyis mtshan ldan bla ma dang mjal nas/ /thos dka' rtogs par dka' ba'i zab lam du ma zhig thob pas/ /shi yang 'gyod med kyi blo bde gzhan las lhag pa zhig gda' bas/ /dga' dga' skyid skyid mo gzhan la yid smon med pa zhig gda'o/ /zhes pa'i don bzhin/ sngon chad rdo rje slob dpon mang du bsten pa'i skal ba phra zhing cung zad rnyed pa'ang zhabs pad bsten yun thungs pa dang gzhan rkyen gyi 'jigs pas gsang thabs rkun nor ltar spyod dgos pa la nye lam de rigs kyi skyon dang bral zhing thos bsam gyi cha spyod yul yangs pa sngon bsags legs byas kyi 'bras bu dus su smin par ma zad dam pa 'di nyid kyi sku gsung thugs kyi mdzad pa mtha' dag sngar dam bca' gnang 'dug pa'i don dang cha mtshungs pa'i zhal gyis 'ches pa la dpa' ba tsam ma yin par don mthun kho nar snang ba sha stag tu mthong pa dper na 'phyong rgyas zhabs drung dmag dpon lha'i dbang phyug gis bka' shog gtan tshigs thams cad ras su bor ba'i 'phyos lam rim pas bkra shis chos sde pa'i dkor sa'i gral khungs sogs phrogs pa chos sde pa rnams kyang re ba che zhing phyi yul nas bltas pa yang babs 'brel 'dug rung phebs sgor kho rang tshor dkor skal za rgyu ni 'dug gral gyi rgyab mdun gang du bsdad kyang khyad ci yod ces zhu ba'i rtsom pa tsam yang mi mdzad cing sku sger don du gtogs pa rje sman lung