ba sher phyogs gsan pa'i gsol phogs dang dbon mkhyen rab rnam rgyal phyag phyir bsdad chog pa'i dgongs khrol tsam ma gtogs zhu don mdzad pa ma mthong zhing dgon gra rigs sbyin bdag sogs re ba mkhan po du mar yang nged rang pher pher dang yong yong ba de 'dra lar mi dga' zhes zhu don gyi sna len ye mi gnang / bstan pa 'phel ba dang 'gro ba'i bde skyid sogs spyi la phan pa'i zhal ta lhur bzhes shing / shes rab sdong bu las/ 'gro ba shin tu grangs med kyang / /sems can yon tan ldan pa dkon/ /yul ljongs dpag tu med mod kyi/ /rin po che dag 'byung ba dkon/ /zhes gsungs pa ltar/ khyad par dbang byin rlabs rjes gnang rig gtad nyams 'khrid la da lam long chungs pa'i dgag bya dgos pa yin zhes mtshon don tsam gyi bsdu ba dang 'di'i tshab 'dis 'ong 'di'i dod 'dis byed ces chos la dbang mi za bar so so'i lugs bzhin ma 'dres pa kho na dang ljags lung gi skabs dpe rnam grangs phra mo mang du yod pa'i rigs la bsnyel tho dang bstun nas gsan ma gsan gyi dbye ba 'byed pa las yi ge lhogs pa rgyu mtshan du byas te byung tshad ljags sgrog mi gnang / phyag len gyi rigs gang la dogs gcod zhus kyang 'di ni 'di'o zhes shig mdzub sprad pa'i nges shes kho na las mun nag 'dom 'jal gyi zol sbyor ci yang mi srid pas dbang rnon chos rjes 'brang ba'i dad pa brtan po'i gting tshugs so/ /thugs rje 'od kyi sbubs gur bde ba'i lam/ /sa spyod rigs pa'i khye'u chung dag zhing du/ /drangs tshe dge sdig gcig tu dkar ro zhes/ /las kyi me long lta ba'i ngal ba btang / /mkhas pa'i gzhung lugs sa ha ka ra yi/ /snye ma nam mkha'i pha mthar yongs dud kyang / /sa bon thub pa'i gsung rab gces pa'i nor/ /bstan 'dzin phal gyis dor bas dgun chu bzhin/ /de tshul bzod min snying stobs ri rtse'i chab/ /brtson 'grus shugs kyis 'bab pa le lo'i rigs/ /sdig to'i 'phrul gyis mi ldog chos 'tshol bar/ /mi zhum rgyal sras spyod pa 'di rmad byung / /bcos min nges par 'byung ba'i chos brgyad las/ /log pa'i thugs kyi sna de rab thung yang / /shAkya seng ge'i ring lugs spel ba'i blo'i/ /zhags ring brkyangs mtha' bskal par rdzogs nus min/ /nyang ston rigs sngags 'chang ba'i dbang phyug de/ /dam pa'i bzhed pa skong ba'i maNDa la/ /bteg tshe srid zhi'i yon tan nor bu'i dpya/ /phyur bur spungs te chos bzang mdun sar gleng / /gsar rnying nyi zla zung 'brel 'od po ches/ /'khor mun mthar byed las smon mthu btsan pos/ /zur chen rje dang stabs cig stan 'dzom pa/ /phan bde'i snang ba 'dren pa'i shing rta bzhin/ /ma rig las 'khon 'jam mgon rim byon tshos/ /ma dag 'khrul pa'i drwa ba gcod pa'i mtshon/ /ma lus 'gro gnyen sa skya'i bla chen gyis/ /ma smad snyan brgyud gser 'khor mkha' la 'phags/ /gnyags ban dznyA na'i sbrul pa'i zlos gar des/ /mgon khyod padmA ka ra'i gdung 'tshob khrir/ /theg mchog nor bu'i cod pan dbur bcings nas/ /bkod tshe phyogs bcu'i rgyal kun me tog gtor/ /bde chen 'dren pa'i las rgya mkhar chen bzas/ /'chi med bdud rtsi'i rgyun gyi bcud byin tshe/ /gnas 'di las gzhan DA ka DAkki'i tshogs/ /'du ba'i ayon yul de 'tshol rnams ngal/ /snang srid dregs pa'i sde dpon tsi dmar bas/ /mgon khyod 'phrin las sgrub