par zhal 'ches pa/ /lhun grub rten cing 'brel 'byung dung chen sgra/ /phyogs bral bu mo'i rna lung mdzes pa bzhin/ /bshes gnyen mngal du ma sbrums stong pa'i sgra/ /grang drod las btsas khye'u dkar min 'bras/ /drang srong u pa'i re skong rgod ma kha/ /gtan mdun rgya mtsho skam pa'i cho ga ltar/ /'on te srid mang 'phrang bgrod dka' spyad kyi/ /bsod nams dzam bu'i shing 'bras mtshor lhungs pa/ /dal rten don ldan gser gyi phung po la/ /spyod pa'i skal bzang 'di la gcig tu rangs/ /snyan brgyud rim bzhi'i rten 'brel yongs 'grig pa/ /ma nub dbang bzhi'i lam las 'bras bur smin/ /rgyud sde rnam bzhi'i chos kyi thems skas la/ /khrid nas sku bzhi'i grong du bcug 'di mtshar/ /khu lung du yum bsnyun pa'i gdan 'dren byung bar brten lcags stag gi lo gsar gdong rong phyogs su thegs nas zla gcig gi bar byin rlabs sku rim dang 'phrod bsten gyi zhal bkod dang bcas zhal ngo rnams kyi dgongs pa bkang ste zhang 'gro ba'i mgon po'i bsti gnas su phebs pa'i dbyar ston gyi ring bzhugs/ gsol chas dgos cha rnams byi lo'i skabs ltar phul zhing zur kun mkhyen chen pos dbu mdzad don gnyer can du ma la gang blo ma/ dbang gi sgrol ma dmar mo/ dus 'khor gyi thun mong sgrub pa'i lha gsum/ sman bla bder gshegs bdun/ phyag rdor u tsarYa/ ba ri'i rnam 'joms/ sme brtsegs/ mi g.yo ba dkar sngon/ rta mgrin ras chung lugs/ rta nag lcags ral can/ seng gdong nag po/ dzam ser nag /spyan ras gzigs gtso 'khor gsum pa/ dur khrod bdag po/ rnam sras drag po bka' shin tu gnyan pa/ gsang sgrub ljang ser be con can/ drag byed rta sngon srin mo bzhi skor/ nang gsang ltar sgrub pa lha dgu /drag byed sed zhon klu brgyad kyis bskor ba/ drag byed rkang thang lha brgyad/ mdung dmar can lha bcu gsum/ yang gsang drag po srin po bzhi skor/ mthing kha zhal gsum phyag drug pa las mkhan mdung dmar can dang bcas pa'i gtso 'khor gnyis/ gar mkhan mchog ljang gu zhal gsum phyag bco brgyad pa lha brgyad/ gar mkhan mchog dmar smug zhal gsum phyag bco brgyad pa/ dkar po tshe 'phel lha dgu/ yang gsang mdung dmar can phyag mtshan bzhi pa/ gur gsang 'khrid rnams kyi rjes gnang / bran bdud kyi rjes gnang thun mong ma yin pa/ zhal sgrub dus thun mong ma yin pa/ khyung zhal can/ seng gdong nag po/ lha mo rdo rje rab brtan ma rnams kyi rjes gnang / phag dkar shes rab gsal byed dang rta mgrin skyer sgang lugs kyi byin rlabs/ rdo rje nam mkha' lding gser mig 'khyil ba'i rjes gnang lung bcas sgrub thabs rgya mtsho las sku'i rnam 'gyur dang sngags mi 'dra ba brgya bzhi bcu'i rjes gnang dang rgya gzhung gi lung / dus 'khor gyi bdag po chen po ma gtogs sku gsung thugs yongs rdzogs/ gshin rje gdong drug /rnam snang mngon byang / rnam 'joms mthing nag lha bcu dgu /rigs gsum spyi/ gdugs dkar lha bcu bdun/ srung ba lha nga gcig /mi 'khrugs pa lha mo brgyad kyis bskor ba/ sa phur lha khra'i stod las rnams kyi dbang dang smad las drag po'i rjes gnang / e ka dza tI'i srog gtad dang lung / ma Ni ka nA thas 'jam dbyangs mkhyen brtser gnang ba'i gsar 'gyur ayon sku gsum sgrub brgya 'gyur/ de'i lo rgyus 'grel pa dang bcas pa 'jam dbyangs mkhyen