shan kha ba'i ma 'chi bar thug par sngon gyi pha mes chos gcig dpal 'byor gyis bsgrubs pa'i dur khrod kyi bdag mo 'dre mo ngan ne ma'i sgrub khang yod pa de'i 'khrin dogs su mkhyen nas dur khrod bdag mo la thun rdzas dang bcas bka' bsgo gnyer btad gnang bas de 'phral gzhi med du bde/ gzims khang shar tu rtsis mgon gyi 'dzin gtor btsugs pa 'jig par nye ba gsang du brje ba'i sta gon gyi rnying pa bton pa'i shul gyi gtor snod bdud rtsis khengs pa mchod dpon 'jam dbyangs rgyal mtshan dang zhu lu sher rin pa gnyis kyis longs spyod rgyu byung bas mtshon ya mtshan gyi ltas mang po zhig byung tshod du mchis so/ /shis rtse'i dpon sa bsam yas chos skyong gi 'khor du skyes pa mkhyen pa'i tshe byang bzhu gnang bas khugs zin nas rjes snyegs la btsun pa dang a tsa ra 'dra ba 'ongs te phyir khrid song ba a lags bsod nams kyis zhus pa sang nyid glud sngon dus kyi srid pa'i dbyibs ji lta ba bzos pa byin gyis brlabs/ rnam shes khugs 'phral glud sngags rgya ting nge 'dzin gyis bsngos pa'i mthus lha 'dre'i pho nya rnams rab tu tshim nas log rjes lam ston rgyas par mdzad de dag zhing du bskyal lo/ /gung thang gi bka' chos rnams grol ba'i rje bka' 'gyur ba chen po 'bras spungs su phebs/ ring 'tsho'i rten 'byung gi gsung chog gnang / rje btsun rdo ring pas mdzad pa'i gur gyi gsang 'khrid/ tshar chen gyi brag rdzong dang gsang 'khrid rgyun khyer gnyis/ rab gnas don gsal sogs kyi ljags lung dang / rgyal sras rin po che'i blo sbyong don bdun ma'i steng nas nyams 'khrid mdor bsdus/ dkyil 'khor gyi cho ga mang po'i phyag len dang phyag rgya 'ching tshul gyi skor sogs la dogs gcod zhib tu zhus/ bsam gtan par rlom pa'i tshul 'chos mkhan 'dras gzhan 'byor phun tshogs ma bzod par byad rbod kyis rje'i sku la sdo ba'i sbyor ngan yod 'phros thos pas/ brag rdzong ma'i srung bzlog gi thugs dam gtso bor gnang dgos tshul zhus par snga sor gnad bsnun kha yar byas par bsam sbyor ngan pa yod 'dra bsam pa 'ga' zhig 'das song bas rnam shes 'dren pa'i nus pa dkar bas de rigs kyang las gsog par song dogs byed 'dun med gsung / dgun yar klungs phyogs su thegs/ bong bu zhes pa lcags yos kyi dpyid gong dkar rdo rje gdan du phebs nas sku mtshams kyi bcad rgya yun ring du bsdams/ nged rdo rje phreng ba'i dbang tshogs chen la 'bul ba'i grabs yul gyi skabs su slebs pa sngar phyag len rnams la rtog 'jug dang dogs gcod zhib bar zhus khul yin na'ang gsang sngags kyi phyag bzhes ches zhib cing phra ba dang rang re blo gros dman pa'i gshis kun rtog gi spros pa ban bun du shar ba'i yid gnyis rnams la dogs sel gyi shog dril phul bar bka' mchan zhib par stsal/ 'di lo char dkon pa'i lo tog rnams than pa'i 'jigs pas nyen pa thugs kyis ma bzod par rdzas sngags ting nge 'dzin la brten pa'i char 'bebs kyi phyag len gnang yang lha 'dre'i tshub lhongs lta bus phebs dka' bar dpal ayon chen po la gdung shugs drag pos gsol 'debs gnang bas klu dbang gling gi rgya dang mnyam pa'i sprin las char babs shing gzhan du sprin ma 'khrigs pas de lo tshos las kyi bud shing la kha reg gi nags bcad pas khyung btsun khros pa'i de phyogs