su yams dang lce 'bab pa sogs byung snang bas de dang dbyibs mtshungs par dgongs te rdo rje dpal gyi yum la gtor bsngos dang bcas dam bsgrags pas kha reg gi ri rtse las chu 'dzin dkar po lang long du g.yos shing thog mar drag char gyi lhongs che tsam dang bcas rim gyis sprin phyogs kun tu khyab pa'i char gyi rgyun chen pos myu gu'i tshogs kyi bskyed rab tu bsrings nas yul khams mang por 'bru'i mchod sbyin don gyis stsal lo/ /chos sde 'di ga dang phyogs 'dus kyi don gnyer can kha shas la gshin rje gdong drug /sangs rgyas mnyam sbyor/ 'jigs byed bcu gsum ma/ mi 'khrugs pa lha dgu rnams kyi dbang / tshe dpag med lha dgu'i dbang brgya rtsa/ gur lha bcu bdun/ bcu gnyis/ brgyad ma gsum gyi dbang / brag rdzong ma'i phyi 'khrid dang zhal gyi gsang 'khrid gnyis kyi nyams 'khrid/ rin chen gling pa'i na ga raksha'i rig gtad/ dbyu gu spun gsum gyi sgrub skor/ mgon pod nas kha shas kyi lung / mgon po ma ning gi char 'bebs/ dbu ma lugs kyi sems bskyed spyan ras gzigs kyi dmar 'khrid/ rab 'byams smra ba rin cen rgya mtshor g.yu thog snying tig gi dbang lung / khro bo sme brtsegs dang khro mo sme brtsegs kyi rjes gnang / dmar chen skor gsum/ skyes rabs so bzhi'i lung sogs chos bka' snga phyi du mar gnang / dga' ba zhes pa chu 'brug hor zla gnyis pa'i nang du nged rgya nag la 'gro ba'i ngos 'phrang la phebs nas gzims chung mgon khang lcang lo can du ring por gnas pa'i rten 'brel gyi cho ga rigs mi gcig pa gsum tsam zhig gnang / tshe dbang kha shas dgos tshul phebs pa bzhin 'chi med dpal ster gyi sgo nas phul ba bcas de ka'i steng nas nged rang gis kyang tshar gcig zhus shing 'phral yun gyi bslab ston mang du gnang bar rgya nag nas ring por mi thogs par ldog pa'i 'dun pa yod pas de bar rdo rje'i rnal 'byor mchog las mi g.yel ba'i srung 'khor dang 'chad nyan la thugs rtsol gang che'i ngos gtso bor bstan 'gro'i gnyen du 'tsho gzhes gyi thabs tshul lhod med dgos pa'i snyan 'bul dang brtan bzhugs phul/ de nas gung thang du thegs pa'i zla ba phyed gnyis tsam gyi bar zur chen chos kyi rgyal por gshed dmar lha lnga'i dbang dang spros med kyi nyams 'khrid/ rwa chen gyi sgrub dkyil la 'jam dbyangs mkhyen brtse'i lhan thabs sbyar ba'i rwa lugs thun mong ma yin pa lha bcu gsum ma'i dbang / rwa 'khrid mkha' 'gro snyan brgyud kyi nyams 'khrid/ rwa chen shes rab rgyal mtshan gyi dkar chag tu gsal ba dang der ma 'dus pa'i kha skong bcas pa'i rwa pod/ 'bri gung dpal 'dzin gyi pod chung / bu ston thams cad mkhyen pa'i gsang 'dus mi bskyod pa'i 'khrid yig za ma tog la 'jam dbyangs mkhyen brtse'i kha 'byed lhan thabs sbyar ba'i rim lnga'i dmar 'khrid/ kha che paN chen lugs kyi bde mchog dkar po'i nyams 'khrid/ rigs 'dzin chen po legs ldan rdo rjes chu bo ri nas gdan drangs pa'i bla ma sku gsum gyi nyams 'khrid/ 'khrid yig so so'i lung / gtsug tor dri med lha lnga'i dbang / bir srung nang ma'i byin rlabs/ jo bo'i chos chung brgya rtsa/ rtogs brjod dpag bsam 'khri shing / gsar ma rgyud 'bum nas rgyud che chung bsdoms pa re lnga dang bcas pa'i ljags lung 'bul ba gnang / de nas la mor tshangs