pa dang dam pa'i phyag bzhes bzhin chos sde yas mas kyi gra pa bzhi bcur dbang / gtsug dgu'i dbang cha/ grangs bco lngar dril bu lus dkyil gyi dbang / rnam sras sprin gseb ma dang dzam la dmar po yum bcas kyi rjes gnang / skyed tshal 'og gzhi pa slob dpon pa sogs la spyan ras gzigs tshem bu lugs kyi dmar 'khrid kyis mtshon 'dod chos kha shas stsal/ sngon chad yongs 'dzin mang por mdo rgyud kyi gdams pa rgya cher gsan yang lo chen ratna bha dras/ chos pa'i so nam yin pas thos bsam byas/ /chos kyi rtsa ba yin pas gnas lugs bsgoms/ /chos la 'bras bu dgos pas smon lam btab/ /sgo gsum tha mal nam yang bzhag ma myong / /sngon chad gdams ngag brgya phrag du ma bslabs/ /'on kyang da dung gzhan la 'tshol bar 'dod/ /ces pa ltar slar yang ngoms pa med par thos bsam mdzad bzhed kyi chu mo sbrul lo shar nas gtsang phyogs su gshegs zhor lcags zam sprul pa'i sku kun dga' bsod nams dbang phyug gi drung du 'khrid brgya sogs zab chos kha yar gsan zhing / ngor e waM chos ldan/ gdan sa chen po dpal ldan sa skya/ slob dpon chen po'i sgrub gnas ri bo bkra bzang sogs su zhabs pad kyi phreng ba bkod na'ang / rje mkhyen brtse'i gsung mgur du/ bdud kyis dbang sgyur skal ngan ches mang bas/ /dam chos 'tshol la 'gal rkyen char bzhin 'bab/ /mthun rkyen mi 'byung phyung yang stobs zhan pas/ /ji ltar bsams pa bzhin du grub ma gyur/ /zhes gsungs pa ltar/ ngor mkhan chen shar pa shes rab 'byung gnas dang / bkra bzang pa chen po nam mkha' rigs 'dzin gnyis sku na ha cang smin par ma gyur rung bstan pa'i gegs chags lta bus dag zhing gzhan dag tu sgyu 'phrul gyi bkod pa bsdus pa dang 'grig cing sngags 'chang bla ma sems dpa' chen po khri chen 'jam dbyangs ngag dbang kun dga' bsod nams rtsa dkar gyi bsten babs lci ba sogs gzhan 'phrul dbang byed kyi bdag po nyi ma'i gnyen gyi ring lugs la bi nA ya'i cho 'phrul cung zad nus pa'i dus dang 'grig pas chos gsan rtsis rnams bzhed pa dang mthun pa ma byung na yang bzhi thog tu bdag chen khri chen rin po che nas bdag rkyen tshad med pa dang bcas lugs gnyis dang 'brel ba'i bka' mchid kyi rim pa zhib rgyas su stsal/ mchod khang dang mgon khang ches mang ba mtha' dag mjal bar phebs pa'i tshe dngos bshams yid sprul gyi mchod pa dang / 'jig rten khams su bde skyid rgya cher 'byung ba'i smon lam mdzad/ nged gong nas phyir 'khor ba'i hor zla bcu gcig pa'i nang du ngos 'phrad la dga' ldan pho brang du phebs te thugs dgyes pa'i gsung gleng bag phebs par mdzad/ byes lam du yul dus gnas skabs kyi rang dbang 'du mi 'du dang gtso bor le lo dang snying rus gnyis tshong thebs pa'i kha ton dge sbyor byed blo rnams mos 'dun tsam du lus gshis chag med bzhi gsos shing / bsam mi khyab kyi byin rlabs/ de bzhin gshegs pa'i yi ge brgya pa/ phyag btsal ba'i phan yon 'ga' zhig /gdugs dkar gzhan gyis mi thub pa/ 'jam dbyangs mkhyen brtses mdzad pa'i dri med kyi srog shing 'dzugs chog rnams kyi lung dang / sngar gung thang du gnang rtsis kyi gtor gshoms grub mtshams gnam ngo chen po glo bur du byung ba 'ong gseb tu bshor na dpon slob gnyis kar skur 'debs byung dogs kyi