gshol ba gnang 'dug pa da lam zhal gsang 'khrid dang shis bstan pa'i rjes gnang yang zhus/ rje bla ma dam par byang lugs phyag len gyi tshe dpag med lcags sdong brgya rtsa/ rigs 'dzin ratna gling pa klong gsal gyi tshe dbang / chos rgyal bkra shis stobs rgyal gyi mtsho skyes rdo rje sku gsum rigs 'dus kyi dbang lung rnams phul zhing gter gsar gyi tshe mda' rtse sor gsum tsam 'phel bas sku tshe'i rten 'brel 'grig /rgya nag nas 'khor ba'i skyes ma dang chos yon sbrags pa'i maNDal rgyas par bteg cing yar lam gung thang du zhag shas bzhugs te rim gyis bkra shis rtse chos sder thegs/ da dung tshe 'di'i che thabs bsgrubs kyang 'grub par dka' zhing / /grub kyang skyid mod ngang nas gnas ngan du mar 'khrid pas/ /ci byas dam pa'i chos dang yang yang rjes su bstun nas/ /chos brgyad spong ba'i thabs la 'bad pa bgyid pa ma gtogs/ /tshe 'di'i mdun ma sgrub pa'i zhe 'dod med pa zhig gda'o/ /zhes rje thams cad mkhyen pa'i gsung mgur las byung ba ltar/ lo sngon ma 'bras spungs su phebs skabs gsung gleng la da cha lo'ang mang du lon cing de bar sde dgon gyi kha 'dzin sogs ban bun gyi g.yeng ba'i ngang du zad pa zhig byung ba tshe mjug 'di la dben pa bsten nas dge sbyor la chig sgril byed 'dun yod gnang bar da dung dgung lo sogs ha cang gi mtho bar ma zin cing sku gzugs kyis rkyen mi theg pa'ang mi 'dug pas re zhig spyi sgos kyi chos rgyun spel bas mtshon par thugs las chung ngur ma song ba dgos tshul zhus shing shing rta chos sde pa tshor de mtshungs kyi bslab ston gnang bar gra rigs sbyin bdag skya ser thams cad kyis mgrin gcig tu gsol ba btab pa sogs gang ci nas thugs dbang ma 'dus par brten da cha tshe dang sgrub pa mnyam pa ma thub tshe g.yeng ba byed rin chog pa bgyid gsung thog babs su bka' 'gyur bzheng ba'i dgongs pa bstad nas shog bu sgrub pa'i sta gon dus sde pa blo bzang mthu stobs kyi gcung gsung rab rgya mtshos snag tsha dang smyig rgyu'i sig phul bas rten 'brel 'grig ces dgyes par gyur/ shog bu sgrub mi slebs pa dang mon nas shog tshong pa gtos can yongs pa 'grig pas gnas po yang dus gcig la bka' 'gyur ldangs 'di 'dra yong ba thugs rje rang du go ba'i dad pa lhag par skyes te 'bras kyi skyes phul zhing srung ba zhus/ la la dag thugs rig la steng shod med dam phyag rdzas stobs che ba med par thugs gra 'di 'dra bsgrig zhes thugs lhus ma things pa'i skur zhus byed pa byung na'ang rgyal ba tsong kha pa chen pos rdzing phyi'i zhig gsos kyi tshe dpon slob bcu gnyis kyi sku chas la zi gong brgyab par gser zho bcu gnyis las ma byung ba de nub rnam sras la 'dzin gtor zhig gnang bas sang nas yo byad 'bad med du byung zhing thams cad mkhyen pa dge 'dun grub pa/ ngor chen rdo rje 'chang / paN chen shAka mchog pa lta bu'ang snyoms chung bya bral gyi ngang nas bkra shis lhun po/ e waM chos ldan/ gser mdog can gyi chos sde btab pas mtshan 'phags bod kyi gang zag khyad par can rnams gnas skabs su 'dod yon la mi dgyes pas gsog 'jog mi mdzad kyang chos ldan gyi mdzad pa rgya chen po'i dus nam mkha' mdzod la mnga' 'byor ba'i shugs kyis 'bad rtsol la mi ltos pa'o/ /'jig