rnam rgyal ma'i gzungs rtog pa dang bcas pa/ ngan 'gro sbyong ba'i rnam rgyal/ gtsug tor dri med/ mchod pa'i sprin gyi gzungs/ rgyal mtshan rtse mo'i dpung rgyan/ mig nad sbyong ba/ gzhang 'brum zhi ba/ nad thams cad rab tu zhi ba/ chi rgod rnam 'joms/ byams pas dam bcas pa'i gzungs/ gza' yum/ nor rgyun ma/ tshe dpag med kyi snying po/ mi 'khrugs pa'i rgyud/ stobs po che/ rgyal po mdo lnga sogs mdo phran kha shas rnams kyi lung zhus shing 'phrang 'go gter ston gyi tshe dpag med sku gsum rigs 'dus kyi dbang phul/ rim gyis gung thang brgyud de bkra shis chos kyi sde chen por phebs pa'i e rig pa'i 'byung gnas chos lung dkar po nas dbon yig mkhas pa don bdun bos par dbu ma lugs kyi sems bskyed dang thos grol gyi ljags lung / sa ga zla ba sku bltams pa'i dus chen yar tshes bdun gyi res gza' lhag pa dang skar ma rgyal gyi 'phrod dge bar bka' 'gyur rin po che bzheng pa'i dbu btsugs pa'i tshugs ston rtses dang nas sna mo shag grub chen karma sangs rgyas kyis bsnyen bkur brgya 'bul bzabs rgyas su bstar/ de skabs yar shar nub tshor bshal rims mched pa'i shi chad kha yar byung bar sha brgya zan brgya gtong ba gnang bas yams nad rnams ring por ma lon par chad cing lhag par bkra shis rtse zhol du nad pa mangs par yig mkhan rnams tshab tshub tu gyur tshe srung ba gnang bas 'dzem med du phyin kyang 'go ba gtan ma byung bas mos pa lhag par 'phel/ hor zla lnga pa'i nang du khyab bdag zha lu pa chen po slob bshad zhu ba la phebs par bka' 'gyur ma grub pas 'dzugs pa gnang ma thub pa'i de'i ring sgrub thabs rgya mtsho/ gsar ma rgyud 'bum/ gshed dmar spros med kyi 'khrid sogs 'bul ba gnang zhing / tshur yang 'khor lo sdom chen sogs dbang lung mang du gsan/ rnam sras gling pas gtsos sbyin bdag skya ser rnams kyis dus ston gyi thog legs 'bul gyi bdog pa rgya cher bstabs pa'i tshogs gsog la brten phogs ja thug gi gtong chas mtshon dgos cha mtha' dag ngang gis 'grub pa'i sgo nas zla ba phyed bdun du nye ba hor zla bcu pa'i tshes bco brgyad la zhal khebs gdong dar glegs shing glegs thag glegs chab sogs cha 'grig legs par grub/ gong dkar du ljags lung gnang skabs bka' 'gyur gyi nang nas byung ba'i sangs rgyas kyi mtshan zur du phyung ba khri lhag bcas thor bkod pa 'di dang dus mtshungs su sa le sbram zhun ma'i khu bas bris legs phun sum tshogs pa gong gsham zhal khebs tog bcas/ shing par la brten nas zhal bkod gnang ba'i byang chub mchod rten bcu tshar mi tshad tsam/ nang bzhugs gzungs sngags sAtstsha phyag dar ba'i 'bum phrag gnang steng nas gang 'gro dang gsol phud kyi sAtstsha sogs kyis gtams par lhang tser btul ma'i na bza' gsol te bla g.ye'i sgo'i g.yas g.yon gyi thog 'og tu bzhugs su gsol ba rnams kyi smon lam gsung rtsom 'di lta ste/ lha rigs 'a zha'i dge slong byang chub sems/ /gsang sngags kun 'dzin mgon po bsod nams kyis/ /sngon byon mkhas grub rnams kyi rjes zhugs nas/ /rgyal ba'i bstan pa yun ring rgyas phyir dang / /mtha' yas 'gro la phan pa lhur len phyir/ /rgyal ba'i gsung rab dam chos 'gyur ro 'tshal/ /dka' ba du mas kun nas lung nos shing / /bstan 'gror phan