gi 'gag tu ngor zur 'chad chos rje dpal gling pa dang lhan cig tu 'dzom pa da res rdo rje 'chang kun dga' bzang po'i khrir 'byon pa'i rten 'brel byed dgos pa 'dug pas ja sngon la mchod gsung pa de skabs mkhan po yong ba'i dogs pa tsam yang med pas thugs khrel bzhin min nam bsam rung de nas ma 'gyangs par mkhan po byed dgos byung ba mngon mkhyen du 'dug ces thugs yid ches pa'i dper 'dzin/ bzhi thog tu zhabs drung rin po cher mkha' 'gro bsun bzlog dang 'brel ba'i brtan bzhugs rgyas par phul nas dgung lo brgyad cu rtsa lnga'i bar du bzhugs pa'i bka' bzhes zhus par mkhan po rang bstan don la dgongs nas de tsam bzhugs na ni nga yang de ga bgyid de min nged rang gnyis lhan du 'gro ba yin phebs pa'i gnas tshul rje bla ma 'bras spungs su phebs dus gsung 'phros gnang 'dug cing sa phag hor zla dgu pa'i tshes bcu bzhi la dam pa 'di dang bcu gnyis pa'i tshes bco brgyad la bdag chen rin po che me tog 'thor ba la dpags na bla ma rnam gnyis sprul gzhi gcig las bstan 'gro'i ched du spro bsdu mdzad dgos par sems/ ngor mkhan chen rgyal rtse zhabs drung byams pa ngag dbang bsod nams rgyal mtshan gyi drung du ne gu nas brgyud pa'i dbang byin rlabs/ rtsa ba ne gu chos drug /sdong po phyag rgya chen po/ yal ga lam khyer rnam gsum/ me tog mkha' spyod dkar dmar/ 'bras bu 'chi med rang grol rnams kyi 'khrid lung sogs tshang ba gsan/ de nas rim bzhin khu lung du phebs/ de yang bla ma sog bzlog pa nas brgyud pa'i mdo dbang ches dar na'ang / sog bzlog pa'i zhus rigs 'dzin g.yu 'brug rdo rje shangs rta nag pa'i yul mi rnams la rgyus med pa'i dpyod ldan tsho the tshom gyi gzhir mdzad gshis rigs 'dzin chen po mnga' ris pa nas brgyud pa bla chen chos rgyal rdo rje la khyab bdag sman lung pas gsan pa'i bskul ma'ang bla ma dam pa 'di nyid kyis gnang zhing nye char rje sman lung pa gdan drangs te rdul tshon gyi dkyil 'khor la brten nas gsan la spel ba'i bzhed pa ma grub rung rjes su rdo rje brag nas rigs 'dzin sprul sku rin po ches khyab bdag khra tshang pa chen por gsan nas dbus gtsang khams gsum du dar rgyas kyi bstan pa'i me ro bslang ba yang rje 'di'i bdag rkyen las byung bar sems so/ /zur thams cad mkhyen pa hor zla bdun pa'i nyer lnga la padma 'od kyi zhing khams su sku'i bkod pa bsdus pa'i thugs dam 'dogs bcas 'bul ba dang rten bzhengs kyi gzungs bzhugs rab gnas la phebs dgos pa'i snyan gsan phul zhing zhal gyis 'ches na'ang sa skyong bsod nams rab brtan gyis byung na dge lugs pa zhig rab de min rnying ma pa zhig byung na mngon chung ba yong / sa skya pa'i rigs bos na mi yong ba'i bkag cha mdzad par brten skor cig phebs mi dgos pa'i rgyu mtshan 'bul mi mngags pa gam pa lar mjal bas bka' las nged dpon slob gnyis sngon la su song yang rjes kyi bya ba byed pa'i cha don yod pa nas da lam nga la babs thob yod kyang rten 'brel 'phyugs gsungs nas ma mnyes pa'i tshul mdzad/ rngog zhabs drung mkha' spyod kyi gnas su gshegs pa'i gzhung sbrel shing du shar mar phebs/ rje btsun 'jam dbyangs 'od zer gyi sku gdung dkyil 'khor gyi gtso bor gyur pa la me mchod dang gdung tsha bzhugs pa'i thugs