po/ /sbyong byed smin grol rnam bzhi'i chu lud rkyen gyis sbyangs te/ /sbyangs 'bras sku bzhi'i sa bon gang btab mchog tu legs pa'i/ /sa zhing mchog de'i 'dul sbyong bdag rang mkhas snyam bgyid pas/ /tha rangs thul med kyi zhing la yid smon med pa zhig gda'o/ /zhes thams cad mkhyen pa'i gsung mgur las byung ba ltar shin tu smin pa'i grol ston dang rdo rje chos skyong rnams la gtang rag gi bskang bstod gnang ba'i mjug tsam du gzhan gyis bsreg pa po med par sha chen gyi dris bla brang steng shod med pa khyab pa'i dam can dgyes pa'i cho 'phrul ci yang mdzad/ zha lu mkhan rin po che yang zhag shas bzhugs par bla ma bka' brgyad yongs 'dus kyi dbang sogs kha yar 'bul ba gnang zhing rje bla mas kyang nyer mkho'i dbang lung ci rigs gsan/ tshogs la bka' gdams kyi chos skor 'ga' zhig gnang skabs me tog ser po dang dmar po lag pas zin la khad pa'i char babs/ sgo khang du khra 'brug chos skyong gi rten gtor yod pa lha mi'i bar du sel cung zad byung ba/ rdo rje 'chang dbang phyug rab brtan gyi rten khra 'brug rgyal khang rang du skyel ba mdzad pa rje 'di la chos skyong gis sngar ltar dgos zhus pa'i lan ras gzhir kho rang ji ltar bzhed pa'i rta glang pags rigs sogs bris pa sngags drug phyag rgya drug gis brlab pa gnang bar dgyes te mkhan pos 'di ltar byung zhes mi thams cad la ston par mdzad/ sde pa blo bzang mthu stobs 'ol dga' chu tshan khar 'dred brdabs la gegs kyi rnam pa'i yar klungs su 'byor nas kyang skyed che ba ma byung ba dam pa 'di nyid kyis dbang byin rlabs mang du mdzad pas tsher ma dbyung ba ltar gzhi med du bde/ nub cig mchod dpon gyis zhabs byug zhu skabs tsid sgra chen po byung ba gang yin nam gsung bar khyi lta bu srog chags shig gi skad yin nam zhus pa na min pa 'dra thug gi skad yin nam gsung ba ltar phyin pas gzims chung steng du thug gsum yod pa'i dkyil ma rtsis mgon gyi thug de tsi sgra chen po rgyag gin 'dug rung mun pas sgra tsam las gzhan ma mthong sang zhogs ltas tsa na rnga ma nas khrag 'dzags pas sa gzhi la 'thor zhing rtsa bar khrag snyim pa gang tsam 'khyil ba chos skyong 'di shin tu 'go zhing bka' gnyan pa yod 'dug pa nas bstan pa spyi sgos kyi dgra bo zhig bsgral ba'i rtags su mchis/ sna mo shag grub chen pas bsam gtan gling gi spyil por sri zhu'i ched du spyan drangs pa'i phebs zhor tshe chu 'bum pa mjal ba gnang dus tshe chu cher babs pa zla ba brgyad pa yin pas de dus yong ba'i skabs min rung byung bar ya mtshan du 'dzin/ me bya gtsang phyogs su chibs kha bsgyur te gdan sa chen po dpal ldan sa skyar phebs/ sngags 'chang bla ma sems dpa' chen po'i zhabs rdul dbu gtsug tu bzhes nas sgrub thabs brgya rtsa'i rjes gnang / zhabs drung nyid kyis mdzad pa'i phur pa'i chos 'byung sogs ljags lung mang du stsal/ gtso bor gsan bya rnam sras kyi be'u bum yin na'ang bsam yas kyi sdig khrab sgrog par phebs rings pa'i slar yong ba'i bka' bzhes gnang / zhabs drung khri thog pa ngag dbang bsod nams dbang phyug dang rje btsun ma gnyis la'ang bka' chos kha yar gsan/ gdan sa dang kha'u bsam brling sogs kyi gnas gzigs gnang / rigs 'dzin lha khang