gnang zhing so so'i mgo la phyag gis byil byil dang dbu thug gis byin gyis brlabs te gnas so sor btang / gtor gzhis rnams yun rings pas gsar du spo dgos 'dug ces bstab pa dang tshang ma chab gcig par sbal gyi yang thog tu rgyas par 'bul ba mdzad nas byams par sang zhogs thor ja mi dgos da dung ja zhim po skol gsungs byams pas snyung ba bzhin med dam chab skol e bzhes zhus par na tsha med par chu skol ga la dgos zhes bzhad/ de nas srod thun la tshugs pa'i sgang mjug tsam la 'da' kha ma'i rnal 'byor gyis mtshams sbyar te dpa' bo dang rnal 'byor ma'i tshogs bsam gyis mi khyab pas me tog gi char gdugs dang ba dan rol mo sogs mchod sprin dpag tu med pas sna drangs nas bde chen dag pa'i zhing khams gdan gsum tshang ba'i dkyil 'khor chen po'i rigs kyi bdag por gdan drangs/ de'i dus byams pa gzims chung du nyer len la bsdad pa'i gnyid thum pa zhig gi gseng la hig gi sgra byung nas bltas tsa na sku gshegs zin 'dug zer/ de skabs sde pa brgya tsho ba'i chos rje bkra shis lhun po'i sngags gra ba'i sgrigs 'grim pa de gsung chos zhu bar 'ongs pa de nub kyi rmi lam la stan dkar steng du rje nyid bzhugs pa'i zur bzhi nas bud med brgyad kyis bzung ste nam mkhar yer rer bteg pa thor ja 'dren mi la mdang nga la rmi lam 'di 'dra byung ba ci yin zhes blo ma bde ba'i rnam par byed cing / dus mtshungs su zha lur khyab bdag rin cen bsod nams mchog grub kyi 'od gsal du rje 'di nyid dgyes pa'i tshul du phebs raksha'i phreng ba 'di thugs tshags gnang ba zhu da nged la mi dgos pa 'dug gsung bar byung gnang / zhag kha yar gyi sngon tsam la stong ra ba'i mna' ma sde pa 'phrang 'go ba'i tsha mor gtogs pa rtsa sgo yangs pa de'i rmi lam dkyus ma dang mi 'dra ba'i gsal por byed pa zhig la rmi lam du nyi ma bzhud la khad lho nub kyi nam mkhar bla ma rdo rje gdan pa yin zer ba legs par btags tshe rdo rje 'chang gi sku'i dbyibs la sa zhu bzhes nas bden bral gyi mtshams su 'ja' 'od dang bcas yer gyis phebs song rjes nyi ma'ang bzhud de nag thum byed pa rmis tshul de ga'i ma rgan mo 'phrang 'go ba'i spyil por sdod mir bshad pa zhing brjes pa'i skad cha tshor bas nga'i bu mo'i rmi lam de la lta ba 'dra zer skad/ sku mtshams dang 'grig pa'i phyag g.yog nyung gshis nyi ma gnyis gsum gsangs pa'i bkra shis chos sde nas mchod dpon 'jam dbyangs rgyal mtshan dang sher rin pa sogs 'bod mi btang / tshes bco lnga nas nam mkha' g.ya' dag par 'ja' sprin ri mor bris pa lta bu lha sa nas gong dkar phyogs su zhag shas kyi bar rgyugs pa kun gyis mthong zhing gzhis ka rtser gad sgo zhang tshan gyi zi bun dang thug pa'i zla mjug nged dus rim gyi 'khor lo 'dri bar dga' ldan yang rtse'i sgo mangs phye ste yod dus kyang gong dkar phyogs nas 'ja' sprin pir gyis bris pa 'dra ba mang du mthong bas de mtshungs zla phyed tsam gyi bar du byung bar mngon/ dpon slob kyi sku zhabs nas 'ongs zer ba'i bang chen byung ba'i rten gyi dril kha bshig pa'i nang du li sku kha btags sman tse dang bcas sum mtshan yod pa la phyag bris mi 'dug pas ci yin nam snyam pa'i the tshom du gyur pa rjes su byas tshe zham 'bring pa rnams