[A:513]rigs pas rgol ba thams cad zhum par nus pa'i gnas gsar chos mdzad ces snyan pa'i sgra bo che kun tu bsgrags/ sgrol dkar gyi sprul par rgyal dbang padma'i lung gis zin pa'i lcam bgres pa khrom ge sar rgyal po'i mag pa'i brgyud pa shar kha rgyal rtse ba'i khab tu byon nas snga 'gyur gyi rgyud 'bum bzheng ba dang bka' gter bstan pa'i sbyin bdag zla med du mdzad/ de 'og mar pa'i yum bdag med ma'i sprul par grags par lung du zhabs drung 'brug pa dbon rin po che'i jo mor phebs/ rje btsun ma gsum gyi gcig gis bdag chen rdo rje 'chang chen por gsung ngag rin po che gsan nas sgrub pa snying por mdzad pas 'da' kha ma'i nyams len gyis grub mtha' snyogs/ rnal 'byor ma kun dga' chos ldan dang ni gu chos sgron ma gnyis kyis ka thog pa bzhag bla ye shes 'bum dang sprul pa'i gter ston padma gling pa gnyis la btugs nas zab lam rdzogs pa chen po'i chos nyid zad pa'i sar 'khyol/ nang so sku mched gnyis kyi jo mor sa skya'i nang chen lha khang chen mo ba'i sras mo dpal 'dzom bsus pa'i sras nam mkha' rdo rje tshe brtan dpal 'byor bzang po ni yig rtsis/ brtag pa rnam pa brgyad la sogs pa lugs kyi bstan bcos la mkhas pa/ sgam zhing brtan la blo gros kyi mthu phul du byung ba/ bdag chen chos rje yab sras gsum/ lce ston seng ge sogs mkhas grub kyi dam pa mang du bsten/ rang gi a ne 'khrul zhig kun dga' chos ldan la rdzogs pa chen po'i khrid gsan