[A:514]pas nyams gong 'phel gyi rtogs pa klong du gyur/ thos grol dang gcod yul sogs la brten nas sgyu lus rmi lam la rang dbang thob pas lcang lo can gyis mtshon dag pa'i zhing myul/ gam pa rdzong du phyag rdor gyi bsnyen pa'i tshe thun 'tshams su mar me shi zhing thun dngos la rang 'bar du 'gro ba/ byang chub kyi sems bcos min du 'khrungs shing klu 'bum gnyan khri'i gdan gsal por gzigs pa/ mnal lam du khyod khyung 'di la zhon nas ri rab la skor ba lan gsum byas te lcang lo can du gshegs par 'gyur ro/ /zhes pa'i lung bstan rnyed/ gnod byed kyi klu gdug pa can btul ba sogs gsang bdag gis rjes su bzung bar brten/ rje mkhyen brtse'i zhabs kyis/ 'di nas 'pho tshe byang phyogs lcang lo can/ /zhing der pha rgan drung du thog mar 'gro/ /de nas ayon zangs mdog dpal ri'i rtser/ /skye ba'i rten 'brel bsgrig la gsol ba 'debs/ /zhes gsung pa'i dgongs gzhi yang de yin la/ seng ge rtse ba'i blon po mdzad pa sogs srid kyi rnam g.yeng dus 'khrug tshe skabs kyang mtshan bcas mtshan med kyi rnal 'byor ye ma bzhag /snyun dam pos btab pa'i dus khu bo gnas gsar chos mdzad kyis sgrol ma'i rjes gnang mdzad pa'i tshe sgrol ma ri bo tsam pa'i sku gzigs pas snyun las myur du grol bo dong du jo nang mkhan chen/ rje btsun sgo rum pa chen po kun dga' legs pa rigs kyi bdag por bsten nas bdag lus longs spyod thams cad mchod sprin du phul/ rje zhing gzhan du gshegs khar rigs brgyud dkar nag gi 'brel pa bzhag