[A:512]pa'i 'ja' sa la gser gyi tham ka /shel gyi nyin shan/ dngul gyi sgor mo lung dang bcas las ka gnang bas gnas gsar stong dpon du grags/ rgyal po/ sngags 'chang / ge sar gyi yon tan tshang ba'i mi bdag rim byon las stong dpon kun dga' rdo rje'i sras nang so chos kyi rgyal po'i khab tu snyan brgyud kyi mnga' bdag 'jam dbyangs chos rje'i lcam rdo rje rnal 'byor ma'i sprul pa dpal ldan 'dzom pa byon par lcam sring brgyad byung ba'i bgres pa nang so rnam rgyal dpal bzang slob dpon chen po padma'i rnam 'phrul sku zhang 'jam dbyangs chos rje nam mkha' rgyal mtshan yab sras gsum bsten nas 'khon gyi yab chos rdo rje phur pas gtsos gsar rnying gi zab chos mang po zhus shing bsnyen sgrub bzlas sgom mthar phyin/ slob dpon chen po'i bsnyen phur me 'bar bzhin pa rtsis kyi mchod rten nag po nas bzhes/ dgung lo brgyad cu rtsa lngar phebs na'ang skyes dar ma'i yang rtsal dang lang tsho ltar gyur pa'i grub mtshan ngo mtshar ba ston/ rin chen sgang pa sgos dang yon mchod du gyur pa'i zhal ngo phyi ma rnams kyis rang bstan gyi srog 'thud pa'i rten 'brel gyi sgo 'grig /de 'og phyag na rdo rje'i sprul pa nang so mgon po rin cen gyis mgon po zhal gzigs shing thal rdeb kyis log 'dren sgrol ba/ ri dwags sogs la bya glag gis 'tshe ba'i tshe sngags rgya ting 'dzin tsam gyis sar lhung ba/ mi chos la'ang sgyu rtsal 'gran zla dang bral bar grags/ de 'og 'jam dbyangs kun dga' blo gros zhes gzhung lugs rgya mtshor sbyangs pa che zhing dngos stobs