[A:521]rgya mtsho phal cher bran du 'khol/ /'phrin las thog med sgrub la gsol ba 'debs/ /'di nas 'pho tshe byang phyogs lcang lo can/ /zhing der pha rgan drung du thog mar 'gro/ /de nas ayon zangs mdog dpal ri'i rtser/ /skye ba'i rten 'brel bsgrig la gsol ba 'debs/ /de ltar khyed la gus pas gsol 'debs na/ /dus 'di nas bzung tshe rabs thams cad du/ /nam yang 'bral med mnyes pa kun bsgrubs nas/ /cham gcig gdod ma'i klong du grol bar shog /ces pa 'di snying nas dad ldan gnyos dka' bcu pa chos rgyan gyis bskul ba'i ngo ma chogs par nged rang gi khong khrag shog bu'i logs la bkod pa yin pas/ thams cad la bstan na nged kyi tshe la gnod pas shin tu gsang zhing sbas pa'i tshul du mdzad pa gal che che/ dam tshig la dgongs mdzod cing / dge slong chos rgyan la bstan kyang bzod/ tsha bo btsun chung rnams snod ldan yin kyang / na so gzhon pas gzhan la shor nyen yod pa theng gcig la ma ston mdzod/ sa ma ya/ zhes pa dang shes rab rgya mtsho/ buddha/ sangs rgyas lhun grub/ sbyin pa dpal bzang / dkon mchog legs pa lngas zhus ngor gnang ba'i kun khyab chos dbyings ma gnyis 'dug pa rgyas bsdus tsam du mthong bas gcig tu byas na sprul gzhi rgyal kun yab gcig 'jam dbyangs/ 'o skol gyi ston pa'i drung du shes rab can gyi mchog shA ri'i bu/ lha sras khri srong lde'u btsan/ rdzu 'phrul gyis thog chen mda' ltar 'phen pa'i lang 'gro dkon mchog 'byung gnas/ mnga' bdag nyang gi