[A:520]dag dang ma dag skye ba 'ga' yi mthar/ /chos dbang gsung sprul padma dbang chen zhes/ /mkhas grub dam par gyur la gsol ba 'debs/ /rdzogs chen rnal 'byor 'od gsal rang grol dang / /bka' brgyad bka' babs rdor 'chang bsod nams bzang / /'jam dbyangs sgeg pa bsod nams grub la sogs/ /dag pa'i skye bar gyur la gsol ba 'debs/ /rgyal bas lung bstan zab gter bstan pa'i bdag /'brel tshad don ldan rgyal po'i bla mchod de/ /chos kyi rgyal po ratna gling pa zhes/ /khams gsum grags pas khyab la gsol ba 'debs/ /nyams rtogs mthar phyin a seng rgyal mo dang / /'phags yul bram ze bhra ma nA tha nyid/ /gangs ri'i khrod 'dir rgyal po'i rigs su skyes/ /mkhyen brtse'i dbang phyug nyid la gsol ba 'debs/ /nga yi sku gsung thugs dang yon tan dang / /'phrin las sprul ba shes rab snying rje can/ /rab byung rgyal chen rnal 'byor tshul can zhes/ /padmas lung bstan khyod la gsol ba 'debs/ /rgyal sras gu ru chos kyi dbang phyug gis/ /yang srid gnyis su pha bu'i 'brel ba bzhag /da dung 'bral med rjes su 'dzin no zhes/ /byin rlabs lung bstan thob la gsol ba 'debs/ /dgyes pa rdo rje 'khor lo sdom pa dang / /rdo rje phag mo sgrub chen bka' brgyad lha/ /'jam dpal khros pa 'joms byed 'bar ba yis/ /byin rlabs mtshan ma thob la gsol ba 'debs/ /lha chen dpal 'bar lcam dral pho nyar bcas/ /gur gyi mgon po gnyan mgon rnam sras sogs/ /dam can