[A:526]gcig /dkyil 'khor rgya mtsho'i rigs bdag /rig pa 'dzin pa dang mkhas dang grub pa yongs kyi ded dpon/ rdo rje 'dzin pa kun gyi ral ba'i khri la zhabs kyi padma ngal gso ba/ rje btsun rdo rje 'chang chen po mkhyen brtse'i dbang phyug bstan pa'i rgyal mtshan dpal ldan skal ba bzang po'i zhal snga nas de nyid kyi rnam par thar pa ni bsam gyis mi khyab cing brjod kyis mi lang mod/ 'on kyang mdo tsam zhig brjod na/ rje de nyid kyi mdzad pa'i tshul che long tsam ni rnam thar chen mor rtogs par bya zhing / de bas kyang ches snying por gyur pa'i gsang ba'i rtogs brjod/ gdul bya snod ldan dad pa dang dam tshig la gnas pa lhag bsam la nyes pa'i dri ma dang bral ba rnams kyi spyod yul/ log lta dang nga rgyal 'dzin pa kun gyi rna ba'i lam tsam du yang mi bsgrag pa'i gsang chen dpa' bo DA ki'i tshogs kyi zab pa bas ches gsang ba'i rnam par thar pa gsang chen bdud rtsi'i chu rgyun zhes pa de la/ rje de nyid kyis/ sa khyi zla ba dang po'i tshes bcu'i nub rmi lam du/ nga'i mal sa'i 'khris na mgar mo gzhon nu ma zhig gcer bu skra bshig nas 'dod pa bsten pa'i grabs su 'dug pa nga snying nas ngo tsha zhing 'di 'dra byed du mi nyan snyam nas de la 'ur/ nga rang 'bros pa'i grabs byas pas de tsug ma byed 'di la skyon med/ khyod kyis yun ring po nas nga bos pa yin mod zer bas/ ngas ni khyod 'bod pa lta ci/ da lam las mthong yang ma myong / sdom pa nyams nas dmyal bar skye ba las skyon che ba gar yod byas/ nga thong byas sprugs pas/ khyod la mi dgos na nga