[A:502]rgyal/ /dmar ser dhIHyig bzhu blugs mi yi gzugs/ /'khor lo'i mgon po bsod nams skal bzang dpyid/ /mchog tu mi 'gyur bde ba'i bdag nyid can/ /dpal ldan bla ma khyab bdag rdo rje sems/ /a ho 'phags bod ris med grub mtha'i srol/ /'dzin pa'i mkhas grub yang srid mtha' klas kyang / /zhing 'dir 'jam mgon bla ma sa skya pa'i/ /bstan pa'i khur chen rnam dpyod phrag par lci/ /dbang lung rjes gnang rig gtad rgyud bshad zlas/ /gdul bya'i blo yi kunda bzhad pa'i mod/ /grol lam ka spu ra yi gzegs ma'i rdul/ /thabs pas sgrib gnyis tsha gdung sel la sbyor/ /gcig tu rnam gsum mkhas pa'i bya ba la/ /rtag par 'grus kyang rim gnyis rnal 'byor gyis/ /gang thugs mtshan dpes yongs spras he ru kar/ /bzhengs pa'i cho ga rdzogs pa 'di ko mtshar/ /de phyir mes pos bskal par bsams byas kyang / /gting mtha' dpag par dka' na bdag 'dra bas/ /rtogs brjod smra ba 'dab chags rtse sgro yis/ /mthon po brag ri zad par byed pa bzhin/ /'on te rnam 'dren dus mkhyen rgyal po yis/ /bde bshegs rtswa mchog bstod pa'i legs byas bzhin/ /rdo rje slob dpon bsngags pa'i skal bzang 'di/ /grangs med skye bar chos dkar zong gis bsgrubs/ /de phyir rnam par thar pa'i pi wang rgyud/ /bcad lhug tshig gi sor mos legs bskul sgra/ /dpyod ldan rna bar 'jebs pa rdo rje'i glu/ /gzhom med nA da'i dbyangs su blangs 'di nyon/ /de'ang 'jam mgon