[A:549]mtsho'i rigs bdag rdo rje 'chang / /ngur smrig zol gyis rol pa'i bka' drin can/ /mgon po khyod la gsol ba btab pa'i dge /ma gyur mkha' mnyam 'gro ba'i don du bsngo/ /skyabs chen bla ma rnams kyi byin rlabs dang / /gsang chen rgyud sde zab mo'i bden tshig dang / /mthu chen mkha' 'gro srung ma'i mthu stobs kyis/ /rlabs chen smon lam 'grub pa'i bkra shis shog /shu bha mastu sarba dza ga taM/ 'di na sngon med gsang ba'i gtam/ /mkha' 'gro dpa' bo'i phyag sor rtser/ /bzhugs nas snod ldan bu la byin/ /skal min rna bar sa ma ya/ /zhes bka' rgyas kyang btab bo/ /sa mA ya gu hya/ rdo rje 'chang dbang rje btsun mkhyen brtse'i zhabs/ /bka' drin mtshungs med dran mchog bslab gsum rje/ /yab sras zhabs rdul mchod pa'i skal bzang can/ /thugs yid gcig phyung gang des sbyar ba dge /dpe 'di pha bla mas bdag la dgyes bzhin du gnang ba byin rlabs che'o/ /zhes pa'o/ /dbyar gyi char sprin sngon por 'khrigs pa'i rum/ /g.yu 'brug mgrin rnga shugs kyis sgrog byed na/ /dam pa'i rang bzhin rmad du byung ba'i gtam/ /dngos po'i gshis la mtshar 'dzin byis pa'i blo/ /'jam mgon byin rlabs nya gang 'od dkar nas/ /mkhas grub ga bur gzegs mas sgrib gnyis kyi/ /gdung sel sgyu 'phrul lha lam mtha' rnyed na/ /yon tan 'di tsam rdul gyi cha las phra/ /gang thugs