[A:551]bkra shis dang bzhi bltams pa'i gcen rdo rje 'chang dbang phyug rab brtan gyi rnam par thar pa logs su 'bri bar spro bas 'dir ma bkod/ nam mkha' tshe brtan dang nam mkha' bkra shis gnyis kyang / legs bshad rin po che las/ phal cher bu tsha'i spyod pa ni/ /rigs brgyud snga ma'i rjes su 'gro/ /khu byug phrug gu rgya khra ru/ /'gro ba rgyal lam srid pa tsam/ /zhes yab mes gong ma rnams kyi chas kyis dpa' zhing bsgrigs kyis che ba sogs lugs gnyis kyi spyod tshul mtha' dag ya rabs bzang po'i ngang tshul kho nar byung la/ khyad par 'a zha nam mkha' mgon po'i khab tu mnga' ris gong ma'i bla sman pa 'a sras pa'i sras mo tshe dbang bsod nams dpal mo bsus pa'i yab yum gnyis ka'ang che btsun gdung gis mtho ba'i ngang tshul dang ldan zhing tshe 'di'i don du gtan mdun rgyab tu bskyur ba'i gya gyu'i ngan spyod ye mi mdzad par rje la gus shing 'bangs la byams pa ngo tsha shes shing khrel gzhung gi bag yod pa/ bsod nams kyi zhing dkon mchog gsum la mchod pa dang ma nus par sbyin gtong / dpal ldan bla ma dam pa rnams kyi zhabs rdul bsnyen nas gsang chen zab mo'i nyams bzhes la lhod pa mi mnga' bas phyi'i ltar snang gi cha lugs gcig kyang ding sang gi sde dpon du grags pa rnams kyis dpe zlar mi 'os pa zhig yin la/ yab yum de gnyis kyi sras su nam mkha' bsod nams rab brtan dang gcung nam mkha' don grub dbang po