[A:552]gnyis 'khrungs pa'i gcen dam pa 'di nyid lhums su ma zhugs pa'i sngon du yum gyi mnal lam du rdor 'dzom zer ba'i zhing gi tshigs nas krong chung dung gi gang ba rnyed khrod nas lcam gyi a jos dung dkar g.yas 'khyil legs po zhig tshe dbang bsod nams dpal rang gyis zhes gtad pa sku phag tu bcug pa rmis/ lhums su zhugs pa'i tshe srid pa 'khor ba'i ngang tshul mtha' dag me 'bar ba'i rlubs ltar sdug bsngal gyi rang bzhin can lha mi'i dbang phyug rnams kyang zag bcas kyi bde bar 'gyur ba'i sdug bsngal yid brtan mi rung ba'i chos can dang / tshul des drangs nas rang nyid gcig pur ma zad khams gsum gyi sems can thams cad sdug bsngal gsum ci rigs kyis mnar bar mi bzod pa'i snying rje dang skyo shas nges 'byung bcos ma ma yin pa dang / sdug bsngal de dag las thar pa'i skyabs gnas dkon mchog rin po che rnam pa gsum yin par rgyu mtshan shes nas mi 'phrog pa'i dad pa brtan po gong du 'phel ba sogs yum gyi thugs la 'gyur ba sngar dang mi 'dra ba 'khrungs par brten nas de dag ka mad sum cur gras pa'i tshigs bcad kyang mdzad/ mnal lam du brag mthon po zhig gi rtser thams cad mkhyen pa mkhyen brtse'i dbang phyug phyag na bum pa bsnams te bzhugs pa'i brag rtsar yum nyid 'khod pa'i dbu gtsug nas bum chu skya nar gyi blug pas lus sems bde bas khyab pa'i nyams shar/ de yang sku bltams pa'i yul ni/ khrus khang lo tsA