[A:557]sde rgyan las/ skye ba skyed mos tshal 'gro ltar rtogs nas/ /spro ba'i sems drangs dga' zhing de la 'jug /ces dam pa rnams ni 'gro ba'i don du srid par skye ba len pa la chags ldan gyi skyes bu skyed mos tshal du 'jug pa lta bu'i spro ba dang ldan par bshad pas rje 'di nyid rdo rje 'chang tshar pa chos rje'i rnam par sprul par gdon mi za bas spyi dang bye brag gi bstan pa'i btsas su mkha' spyod dag pa'i zhing nas nyi ma las 'od zer bzhin du shar yang gdul bya thun mong ba rnams kyi snang ngo dang mthun par byis pa'i rnam par bstan pa de la rdo rje 'chang dbang phyug rab brtan gyis mtshan nam mkha' bsod nams rab brtan du gsol/ de 'phral du zhugs skongs kyi lci shing dang na bza'i rgyu'i snam phrug rtsol med du gzhan gyis 'bul mi byung zhing / yum gyi chab zho'ang shin tu mang bas bzhes pa'i lhag ma sman gyi rgyur dkrogs pa dang nyin mtshan bar ma chad par 'dzag pa na dbang thang che ba'i ltas legs zer/ sku'i dbyibs dpral ba dbyes che zhing zhal khyim sgor ba/ dbu gdugs ltar phug pa sogs mtshan dpe rjes mthun pas spras shing / mdangs dkar la gsal ba/ sku bong gzhan las che la kun gyi yid du 'ong ba snyun nad gdon zhud kyi 'tshe ba dang bral ba zhig byung zhing gsung ma bye ba'i dus zhal ngo lhan rgyas su bzhugs pa'i tshe yum gyi sku pang na gral mjug tu yod pa la gsung gtser ba sogs mi dgyes pa'i rnam 'gyur bstan pa rmo mos gral gsham