[A:562]chos chag lugs dang dze tA ri'i tshe dpag lha dgu/ khro phu'i 'jam dkar/ phag dkar shes rab gsal byed/ rnam rgyal lha dgu/ rnam 'joms ljang sngon/ seng ge sgra/ nor rgyun ma ser mo/ khro bo sme brtsegs/ khro mo sme brtsegs dzam ser nag rnams kyi rjes gnang / de dag la mkho ba'i yig cha'i lung / sbyong rgyud dkyil 'khor bcu gnyis kyi dbang / mgon pod me 'bar ma'i lung sogs mang du gsan na'ang sku na phra ba dang phyag g.yog grul thub med gshis brgyud yig gi dogs gcod gnang rgyu ma byung 'dug rung 'chad bzang po yin zhes thugs mos par mdzad/ dgung lo bco lngar phebs pa dmar ser can zhes me mo sbrul gyi lo/ /de'ang mnyan yod mchod pa snga bsnur ba la brten nas bde legs phun sum tshogs pa byung bas rgya bod kun tu rta chen zla bar mdzad par grags na'ang / rtsa ba'i dus rje mar pas/ cho 'phrul khra yi zla ba la/ /mi kho bo lam du zhugs te mchis/ /zhes sa hor mchod yon gyi zla ba gnyis pa'i tshes lnga gza' skar 'phrod sbyor dge bar dpal ldan shangs pa bka' brgyud kyi chig brgyud rdo rje'i brgyud pa bdun ldan gyi nang tshan sangs rgyas gnyan ston chen po'i sprul pa'i zlos gar mkhan rin po che gzhon nu blo gros kyi bzhugs khri'i thog tu bstan pa spyi dang bye brag rdo rje 'chang tshar pa chos rje'i ring lugs rgya cher spel ba'i ched du 'khor los sgyur ba'i rgyal por rigs kyi sras stong phrag tsam yod na'ang thu bor gyur pa rgyal sar dbang bskur ba bzhin dam pa'i