[A:561] de nas sde pa bkra shis rtse ba dang chos sde pa yon mchod nas gdan 'dren byung ba ltar yab sras chabs cig par chibs kha bskyod/ byams chen du rje btsun zha lu ba chen po dang thog mar mjal/ de nas dbus 'gyur gyi lte ba yar klungs skyid pa'i sman ljongs su phebs/ rje btsun sa skya pa'i gsang chen slob bshad kyi sngags gra bkra shis rtse chos sder stan chags/ lo shas bzhugs ring rje rdo rje 'chang chen pos gnyug mar gnas pa dang phyogs 'dus kyi dam pa'i chos don du gnyer ba chu'i rlabs 'phreng bzhin yol ba med pa rnams la chos kyi 'khor lo bskor ba'i zhar chos dang / snying po kye rdo rje man ngag lugs/ 'jigs mdzad rdo rje sogs dkyil 'khor du ma'i dbang bzhi/ mkha' spyod skor gsum/ dmar po skor gsum/ chos skyong che chung nas nyer mkho'i rigs dang gzhan yang rgyud sde bzhi dang 'brel ba'i dbang / byin rlabs/ rjes gnang / lung khrid man ngag mang du gsan cing de dag kyang gsan lo tsam ma yin par sku na phra yang thugs la nges shing byang chub par mdzad/ rje rdo rje 'chang gi dgongs par snyan brgyud mnga' bdag rin po che bod mkhar nas kyi zhal slob spyan snga mi pham chos kyi rgya mtsho'i gdams ngag bum pa gang byor bzhugs pa chos rje rab 'byams pa kun dga' lhun grub gdan sar bskos nas yab sras gnyis ka gtsang du thegs bzhed de rin po che chos sku ba gdan drangs kyang chos sde ba tsho'i blor babs rgyu ma byung bar brten nged kyi tsha bo 'di chos bka' 'dra zhu rtsis yin tshul la bsnyad pa'i bka'