[A:580]pa dus 'gyur gyi dbang gi zha lur gdan drangs/ de nas rim gyis chos 'khor yang rtser phebs pa'i kha skongs mkhan chen bslab gsum rgyal mtshan/ mthu stobs kyi dbang phyug bsod nams chos 'phel/ rje rdo rje 'chang dbang phyug rab brtan gsum bzhengs te grang mo cher lam 'bras lha khang gi zhal bkod sogs bris 'bur gyi sku brnyan rnams la rdo rje 'chang gis rab tu gnas par mdzad de ngo mtshar ba'i ltas du ma byung zhing lha mchod mi mchod kyi dga' ston rgya cher gnang / rje bla ma'ang dgyes pa'i rtser son no/ /dbus 'gyur mkhas btsun rtser son chos skyong zhabs/ /bdag med rdo rje btsun mos rjes bzung mthus/ /tshe gcig zung 'jug sku bzhi mngon gyur pas/ /grub pa'i 'khor los sgyur ba bi rU pa/ /gang gi thugs bcud gsang chen dbyar skyes sgra/ /thos pas 'phags bod skal bzang rma bya kun/ /bcu gsum rdo rje'i sa la grub pa'i mtha'/ /rab snyog mngal khur 'dzin la gcig tu brel/ /phyogs re tsam min thub bstan yongs rdzogs chos/ /tshogs slob bshad srol bzhed pa ches mang ba'i/ /snying po'i yang shun snyan brgyud bdud rtsi'i bcud/ /snod ldan legs bris las gzhan skal ba phra/ /rin chen sgang dang rgyal tsha lung mang po'i/ /gdung rigs rim byon zhal brgyud gser gyi chos/ /mgon zung man ngag mkha' 'gro'i kha rlangs can/ /'dzin khyod zla med nam mkha'i zla ba 'dra/ /rgyud sde'i thig le kun bsdus lung rtogs bzhin/ /mthong mod