[A:506]chen chos kyi rgyal po thub bstan spyi dang bye brag rang bstan kha'u brag rdzong pa'i ring lugs 'dzin par sprul pa'i zlos gar bstan pa 'dra phebs pa rdo rje'i gsung bla na med par go /gzhan du bsam gyis mi khyab pa'i rtogs pa brjod pa'i rngo ma thogs na'ang snyigs dus kyi gdul bya smin pa gsum shas chung / sgrib pa gsum gyi bag chags ches cher bdo ba'i gang zag rnams kyi blo dang 'tsham par rnam par thar pa rgya mtsho lta bu las cher long tsam drung du 'khod pa'i rgyus yod 'dras zin bris su btab cing / rigs kun khyab bdag zha lu mkhan chen kun spangs pa chen po'i spyan ras kyis btsa' bar mdzad de lam tsam zhus dag pa'i steng nas cung zad 'dri ba ni/ rin po che sdud pa las/ 'dzam bu'i gling 'dir chu klung ji snyed cig 'bab cing / /me tog 'bras ldan sman dang nags tshal skyed byed pa/ /ma dros gnas pa'i klu dbang klu bdag brten gnas te/ /de ni klu yi bdag po de yi mthu dpal yin/ /rgyal ba'i nyan thos pa dag ji snyed chos ston dang / /'chad dang rig pa dag dang ldan par brjod pa dang / /mchog 'phags bde ba byed dang de yi 'bras thob pa/ /de dag kun kyang de bzhin gshegs pa'i skyes bu'i mthu/ /zhes 'dzam bu'i gling gi chu klung sman dang nags tshal sogs klu'i rgyal po'i mthu las byung ba bzhin thub pa'i rjes 'jug gi tshogs thos bsam sgom pa'i mthu la brten nas 'bras bu thob pa rnams de bzhin gshegs pa'i thugs rje las byung bar gsungs pa spyir sangs rgyas 'jig rten du mi 'byon pa'i tshe mun bskal dang byung ba'i