[A:596]pa'i mthu dman pas dgongs rdzogs kyi mthun rkyen sgrub rtsol khyad zhag bdun bar gsang ba'i tshul mdzad/ zhag gcig gi bar 'od gsal gyi ngang du mnyam par bzhag nas mkha' spyod rdo rje btsun mo'i zhing du gshegs pa'i gdung yid bzhin gyi nor bu gdan gsum tshang ba'i rdo rje slob dpon dgyes mdzad rdo rje'i dkyil 'khor gyi gtso bor gyur par/ dngos su bshams pa dang yid kyis sprul pa'i phyi nang gsang ba de kho na nyid kyi mchod pa kun tu bzang po'i rnam par thar pa bzhin nam mkha' mdzod kyi sgo 'phar yongs su phye ste bsod nams kyi tshogs rlabs po che bskrun pa'i mchod pa sna lnga brgya rtsa tshar re nyin zhag rer brje dgos la grogs gzhan med pas bla ma 'jam dbyangs rgyal mtshan gnyid log long med pa lta bu byung skad/ grang mo cher kye rdor man ngag lugs dang rdo rje 'jigs byed/ 'dar bsam grub dgon gsar bas kun rig /mang mkhar cha lung pas padma yang gsang khros pa/ shing mangs pas dpal mo lugs kyi thugs rje chen po rnams kyi chog grwa zhag bdun gyi bar btsugs/ gnas de gar dge 'dun 'dus pa'i ser tshogs kyi gral dbur yongs rdzogs gnas lnga rig pa'i paNDi ta mkhan chen ngag dbang chos grags gdan drangs pa'i mang ja/ 'bul 'gyed/ tsha ra sogs kyis bsnyen bkur/ nye skor phu mda' bar gsum gyi skye bo'i tshogs la rtsam nas snam ras zangs lcags khro ja mar rta drel gyis mtshon pa'i zang zing gi bdog pas tshim par mdzad/ hor zla bcu gnyis pa'i tshes brgyad kyi mtshan mo'i char kye rdor man ngag lugs kyi dkyil 'khor zhal phye nas rje btsun nyid kyis phyag dar te sku gdung rin