[A:༡༥]རི་ཁྲོད་བྱེད་ཀྱིན་ཡོད་ཀྱང་ཁྱོད་རང་མཚན་ཉིད་ཀྱི་ཡོན་ཏན་མ་རྫོགས་པར་བདག་གིས་སྐྱེད་ཚལ་དུ་བསྡད་ནས་བརྩི་བཞག་སོགས་ཐོས་བསམ་གྱི་མགོ་འདོན་བྱས་གྲ་སྐོར་ཟིན་ནས་ངས་རི་ཁྲོད་ལ་ཕྱིན་ཁྱེད་རང་ཞ་ལུ་པ་དང་ས་ལུགས་ཀྱི་སྔགས་ཆོས་ལ་བསླབ་སྦྱང་བྱས་ན་ཡོང་ཕེབས་པར་ཐུགས་ལ་དགྱེས་ཚོར་དཔག་ཏུ་མེད་པ་བྱུང་ནའང་མཁན་རིན་པོ་ཆེ་སྲོད་ཐུན་ལ་ཐུགས་རིག་དངས་ཁྱད་ཀྱིས་རྩིག་པའི་སྟེང་དུ་ཐུགས་དམ་གནང་བ་བསྟན་པའི་གེགས་ཆགས་ཀྱི་རྣམ་པས་སྐུ་རྦབ་གཤོར་བའི་རྐྱེན་གྱིས་མ་དང་མཁའ་འགྲོའི་གྲོང་ཁྱེར་ཆེན་པོར་སྐུའི་བཀོད་པ་བསྡུས་པས། སྐྱེད་ཚལ་དུ་མཚན་ཉིད་ཀྱི་ཐུགས་གཉེར་མཛད་པའི་གྲ་གཤོལ་ཏེ་རི་ཕུག་ཏུ་ཕེབས། དགེ་སློང་རིན་ཆེན་འཕེལ་ཞེས་བུ་ལུགས་ཀྱི་ཆོ་ག་ཕྱག་ལེན་རྣམས་ཤིན་ཏུ་བྱང་ཞིང་རྗེ་རྡོ་རྗེ་འཆང་སོགས་དམ་པ་དུ་མའི་ཞབས་ལ་གཏུགས་ཏེ་མཚན་བཅས་མཚན་མེད་ཀྱི་ཐུགས་དམ་སྨིན་པ་དེ་ལ་གནས་ཀྱི་སློབ་དཔོན་ཞུས། རྒྱུད་སྡེ་གོང་འོག་གི་དཀྱིལ་འཁོར་མང་པོ་ཐུགས་འཛིན་དང་ཕྱག་ཁྲིད་སོགས་ཉིན་མཚན་ཐང་ལྷོད་མེད་པ་ལྟ་བུས་ཐུགས་གཉེར་ལ་འགྲུས་པར་མཛད། རྡོ་རྗེ་སློབ་དཔོན་ཆེན་པོ་ལྷ་བོ་པ་རིན་ཆེན་རྒྱ་མཚོ་ལ་ཐོག་མར་དཔལ་མཆོག་རིགས་བསྡུས་ཀྱི་དབང་བཅུ་བཞི་རྫོགས་པར་གསན། རྗེ་ཉིད་ཀྱི་དགེ་རྒན་རིན་ཆེན་འཕེལ་དང་བླ་ཆེན་བསམ་གྲུབ་རྒྱལ་མཚན་གཉིས་བཀའ་བགྲོས་པའི་བུ་སྟོན་བཀའ་འབུམ་གྱི་ལུང་རྒྱུན་ཆད་དུ་ཉེ་བར་འདུག་པས་རིན་པོ་ཆེ་དཀོན་མཆོག་རྒྱལ་མཚན་ལ་ཞུས་པ་འགབ་ཚུལ་ལྟར་སྟོན་ལོ་དེ་གར་དུས་ཀྱི་འཁོར་ལོའི་རྒྱུད་འགྲེལ་མཆན་བུ་བཅས་པ་རྫོགས་པར་གསན་ནས་བཀའ་འབུམ་རིམ་གྱིས་ཞུ་བའི་དབུ་བཙུགས། ཆུ་མོ་