[A:༡༦]གླང་ལོ་མཁན་རིན་ཆེན་རྒྱ་མཚོའི་དྲུང་དུ་དབང་ཆོས་འགའ་ཞིག་གསན། བཀའ་ལས། བདག་གི་དགེ་རྒན་རིན་ཆེན་འཕེལ་གྱི་གསུང་ལས་བསླབ་གཉེར་དང་ཆོས་ཞུ་བའི་མཇུག་འཁྱོངས་པ་གྱིས། དགོན་པ་ཆེ་ཆུང་གི་ཁ་འཛིན་བསྐོ་བཞག་བྱས་པའི་བླ་མ་མ་བྱེད། ཀུན་མཁྱེན་བུ་སྟོན་རིན་པོ་ཆེའི་རིང་ལུགས་ཀྱིས་གཙོས་པའི་གྲུབ་མཐའ་ཕྱོགས་མེད་ཀྱི་ཆོས་ལ་ཐོས་བསམ་སྒོམ་གསུམ་དང་འཆད་རྩོད་རྩོམ་གསུམ་གཡེལ་མེད་ངོས་བསྙེན་སྒྲུབ་ཐུགས་དམ་ལ་བརྩོན་པོ་མཛོད། རང་གཞན་གྱི་བསྟན་པ་ཐམས་ཅད་ལ་ཕན་ཐོགས་ཡོང༌། དབུས་ནས་དཔོན་སློབ་གནས་གསར་ནས་ཕེབས་བྱུང་ན་གསུང་ཆོས་ཞུ་གང་ཐུབ་དང༌། ངོར་སྒྲུབ་ཁང་དུ་དབང་ཆོས་སྒྲའི་རི་མོ་སོགས་ཞུ་དགོས་ཚུལ་ཐུགས་རྩར་བཅར་བའི་བསླབ་སྟོན་ཡང་ནས་ཡང་དུ་མཛད། དགེ་རྒན་དེ་དེང་སང་ཡང་དྲན་པོ་རང་ཡོང་གི་འདུག་ཅེས་གསུང་པ་དྲིན་དུ་གཟོ་བའི་དམ་པའི་རྣམ་ཐར་དུ་སྣང༌། དགེ་སློང་རིན་ཆེན་འཕེལ་ཟླ་བ་བརྒྱད་པའི་ནང་དུ་བསྙུང་བའི་དུས་རིན་པོ་ཆེ་ལྷ་པོ་པ་གདན་དྲངས་ནས་བདག་གི་དགེ་གཞོན་འདི་ལ་ཀུན་མཁྱེན་བུ་སྟོན་རིན་པོ་ཆེ་ཡབ་སྲས་ནས་བརྒྱུད་པའི་རྒྱུད་སྡེ་བཞིའི་དབང་རྣམས་གནང་ཐུབ་པ་རང་སྐུ་མཁྱེན་ནོ་ཞེས་དོན་གཉེར་ཆེན་པོས་ཞལ་ཆེམས་བཞག །ཀུན་དགའ་ཞེས་པ་ཤིང་ཕོ་སྟག་གི་ལོར་ས་སྐྱ་ནས་བདག་ཆེན་རིན་པོ་ཆེ་འཇམ་དབྱངས་བསོད་ནམས་དབང་པོ་ཞ་ལུ་རི་ཕུག་ཏུ་ཕེབས་པའི་ཚེ་བྱང་གླིང་བླ་བྲང་དུ་ཚིགས་སྔ་མ་དགེ་ཚུལ་གྱི་སྡོམ་པ་བཞེས་པའི་དུས་གཙུག་ཕུད་འདྲེག་པའི་སྐབས་ཀྱི་ཁྲུས་ཆུའང་རྒྱ་བོད་ཀྱི་མཁས་གྲུབ་མང་པོའི་རྣམ་རྒྱལ་བུམ་པའི་ཆུ་རྒྱུན་འདྲེས་པའི་