[A:༢༦]འཆང་དགོན་པ་སྒྱི་ལུང་པས་གདན་དྲངས་པའི་ཞབས་ཕྱིར་བྱོན། ཐུགས་རྗེ་ཆེན་པོ་ཉོན་མོངས་རང་གྲོལ་གྱི་སྒོ་ནས་སྐྱེ་བདུན་སྒྲུབ་པའི་ཕྱག་ཕྱི་མཛད། ཡང་འུག །བླ་མ་སྒྱིད་ལུང་པ་སོགས་སྟོད་སྨད་གྱི་སྔགས་འཆང་ཆེས་མང་བ་འདུས་པ་དང་ཞབས་དྲུང་དབོན་རིན་པོ་ཆེ་སོགས་ལ་བཀའ་བརྒྱད་བདེ་གཤེགས་འདུས་པའི་སྒྲུབ་དབང་གནང་བ་དང་ཕྱོགས་མཚུངས་སུ་གསན། དེ་དུས་སྡེ་སྲིད་ནས་རིན་ལྡིང་སློབ་དཔོན་དུ་འབྱོན་དགོས་པའི་བཀའ་ཤོག་བྱུང༌། དབང་གྲོལ་ནས་ཞ་ལུར་དཔོན་སློབ་ཕྱོགས་མཐུན་དུ་ཕེབས། རི་ཕུག་ཏུ་རྡོ་རྗེ་འཆང་གི་སྐུ་ཞབས་སུ་གདན་བཟོས་དང་ཚེ་དཔག་མེད་ཀྱི་སྐུས་གཙོས་གནང་སྦྱིན་བཟབས་རྒྱས་བཀྲ་ཤིས་ཚིགས་བཅད་མང་དུ་གསུང་ཞིང་ཕྱག་ནས་འཐོར་བའི་བྱིན་རླབས་གནང་མཇུག་ཏུ། བལྟས་པ་ཙམ་གྱིས་སྲིད་གསུམ་དབང་དུ་སྡུད། །ཅེས་སོགས་གསུངས་ནས་རྗེས་འདིར་རྙིང་མ་བ་ཞིག་བྱས་བྱུང་ཨང་གསུངས། ཞབས་དྲུང་དབོན་རིན་པོ་ཆེ་ནས་དུང་ཆོས་ལེགས་པོ་ཞིག་གིས་གཙོས་པའི་གནང་སྦྱིན་མཛད། དཔོན་སློབ་ཐམས་ཅད་ཕན་ཚུན་འབྲལ་མི་ཕོད་པ་ལྟ་བུའི་ངང་ནས་རྗེ་ཉིད་ཀྱིས་ཉང་སྟོད་ཕྱོགས་སུ་བཏེག །རིན་ལྡིང་པ་རྣམས་ཀྱིས་ཆིབས་བསུ་ཐབ་བསུ་བཟབས་རྒྱས་དང་བཅས་རིན་ཆེན་ལྡིང་ཁང་ཕུབ་པའི་སྔགས་གྲར་ཕེབས། རྔ་ཆེན་ཞེས་པ་ཆུ་ཕོ་ཁྱིའི་ལོ་ཧོར་གྱི་ཟླ་བ་ལྔ་པའི་ཚེས་བཞིའི་ཉིན་དཔལ་ལྡན་རྣལ་འབྱོར་རྒྱུད་རྒྱལ་གྱི་སྟོན་པ་རྣམ་པར་སྣང་མཛད་ཆེན་པོའི་སེང་གེའི་ཁྲིར་ཕེབས་པར་རྒྱལ་རྩེ་རྫོང་དང་བླ་བྲང་དཀར་པོ་ནས་བསྐོ་འཇའི་གནང་སྐྱེས། དགེ་འདུན་ཚོགས་པས་བགེགས་སྐྲོད་དང་བཀྲ་ཤིས་མངའ་གསོལ་རྒྱས་པར་