[A:26]'chang dgon pa sgyi lung pas gdan drangs pa'i zhabs phyir byon/ thugs rje chen po nyon mongs rang grol gyi sgo nas skye bdun sgrub pa'i phyag phyi mdzad/ yang 'ug /bla ma sgyid lung pa sogs stod smad gyi sngags 'chang ches mang ba 'dus pa dang zhabs drung dbon rin po che sogs la bka' brgyad bde gshegs 'dus pa'i sgrub dbang gnang ba dang phyogs mtshungs su gsan/ de dus sde srid nas rin lding slob dpon du 'byon dgos pa'i bka' shog byung / dbang grol nas zha lur dpon slob phyogs mthun du phebs/ ri phug tu rdo rje 'chang gi sku zhabs su gdan bzos dang tshe dpag med kyi skus gtsos gnang sbyin bzabs rgyas bkra shis tshigs bcad mang du gsung zhing phyag nas 'thor ba'i byin rlabs gnang mjug tu/ bltas pa tsam gyis srid gsum dbang du sdud/ /ces sogs gsungs nas rjes 'dir rnying ma ba zhig byas byung ang gsungs/ zhabs drung dbon rin po che nas dung chos legs po zhig gis gtsos pa'i gnang sbyin mdzad/ dpon slob thams cad phan tshun 'bral mi phod pa lta bu'i ngang nas rje nyid kyis nyang stod phyogs su bteg /rin lding pa rnams kyis chibs bsu thab bsu bzabs rgyas dang bcas rin chen lding khang phub pa'i sngags grar phebs/ rnga chen zhes pa chu pho khyi'i lo hor gyi zla ba lnga pa'i tshes bzhi'i nyin dpal ldan rnal 'byor rgyud rgyal gyi ston pa rnam par snang mdzad chen po'i seng ge'i khrir phebs par rgyal rtse rdzong dang bla brang dkar po nas bsko 'ja'i gnang skyes/ dge 'dun tshogs pas bgegs skrod dang bkra shis mnga' gsol rgyas par