[A:༣༨]ཡིན་སེམས་ཅན་ཐམས་ཅད་འདོན་མ་ཐུབ་ཀྱང་ཡབ་ཡུམ་གཉིས་འདོན་དགོངས་ཏེ་ཕྱག་ཆུ་ལ་ཡུལ་ཡུལ་མཛད་པས་སྦལ་ལྕོང་འདྲ་མོ་ཕྱག་མཐིལ་དུ་བྱུང༌། ད་ཤར་ཕྱོགས་མངོན་པར་དགའ་བ་ལ་ཐེགས་དགོས་དགོངས་ཏེ་འཕུར་བས་ཤར་ཕྱོགས་མངོན་དགའ་ཡིན་སྙམ་པར་ཕེབས། དེར་མི་འཁྲུགས་པའི་སྟོང་ཐང་འདྲ་བ་ཞིག་སྔོ་ཆམ་གྱིས་གཟིགས་པ་དང་མཉམ་དུ་མནལ་སད། ཡང་སྐབས་ཤིག་རྨང་ལམ་དུ་ནུབ་ཕྱོགས་བདེ་བ་ཅན་དུ་འབྱོན་དགོངས་ཏེ་མཁའ་ལ་འཕུར་བ་ན་སྒྲུབ་ཁང་གི་ཇ་ཁང་དུ་ཕེབས་ནས་ང་བདེ་བ་ཅན་དུ་འགྲོ་རྒྱུ་ཡིན་གསུངས་པར་མི་ཞིག་ན་རེ་འོད་དཔག་མེད་འདི་ག་ཡིན་ཞེས་རྗེ་དཔལ་དོན་པ་ཕྱོགས་ལ་བརྡ་ཐབས་བྱེད་སྣང་བ་དཔོན་སློབ་གཉིས་ཀའི་བསམ་གྱིས་མི་ཁྱབ་པའི་ཆེ་བར་མངོན། ཡོག་དབྱངས་སྦྱོང་དར་གནང་སྐབས་སྡེ་སྲིད་ནས་ཐུགས་ཁུར་བཞེས་པའི་རི་ཕུག་ཏུ་འདུ་ཁང་ཞིག་གསོས་ཀྱི་འགོ་འཛུགས་མཛད་པ་ལོ་གཉིས་ལྷག་ཙམ་གྱི་བར་འགོར་བའི་ལྡེབས་བྲིས་ལ་ཉེ་སྐབས་ཁྱབ་བདག་ཞ་ལུ་བ་ཆེན་པོས་ངོར་སྒྲུབ་ཁང་དུ་བསླབ་སྟོན་ཞུ་བ་གནང་བར་ཀུན་མཁྱེན་བུའི་རྣམ་ཐར། འབྲས་སྤུངས་དང་ཤམྦྷ་ལའི་བཀོད་པ་བྲིས་གསུང་བ་བཞིན་སེང་གཡབས་ལ་རྣམ་ཐར་ཞིང་བཀོད་རྒྱས་པ། འདུ་ཁང་ལ་སྐྱེས་རབས་སོ་བཞི་པ། གནས་བཅུ། སྒོ་ནང་བྱང་དུ་ཆོས་སྐྱོང་སྐོར། ལྷོ་ན་སྦྱིན་བདག །ཀ་སྤུངས་ན་རྒྱལ་ཆེན་བཞི། སྟེང་གི་འཁོར་གཡབས་ལ་མཛད་བཅུ་དང་བསྟན་པའི་གཏད་རབས་བུ་སྟོན་ཆོས་འབྱུང་ལྟར། ཐེག་པ་ཆེན་པོའི་ལུགས་ཀྱི་ཆོ་འཕྲུལ། གཟིམས་ཆུང་ན་འཁྲིད་ཆེན་བཞིའི་བླ་བརྒྱུད། གཙང་ཁང་དང་མགོན་ཁང་སོ་སོའི་ལྡེབས་བྲིས་རྣམས་དངོས་གཙང་བ་ཐུགས་