[A:༥༦]མཁན་སློབ་ཀྱི། །རྟེན་འབྲེལ་ཞོ་ལ་ཕུག་རོན་སྡེར་རྗེས་གསལ། །སྔོན་གོམས་ཀུན་འབྱུང་ས་བོན་བསྐྱེད་པའི་ལོང༌། །མེད་པར་ངེས་ལེགས་ཞིང་དུ་རིམ་གྲོ་བ། །དྲངས་ཚེ་འཇའ་རིས་ལས་ཀྱི་མེ་ལོང་ལ། །ཤར་བས་དགེ་སྡིག་འབྲས་བུ་གཅིག་ཏུ་མཚུངས། །བསྟན་སྐྱོང་མ་མོ་དགྱེས་པའི་རྣམ་འགྱུར་གྱི། །ཡ་མཚན་ཆོ་འཕྲུལ་འོད་གསལ་ངང་དུ་ཤར། །རྒྱལ་བའི་མཆོད་རྟེན་ཆེད་དུ་སྲིད་ཞིའི་ལྗིད། །ཁུར་ལ་མི་མངོན་རུས་སྦལ་གཟུགས་སུ་སྤྲུལ། །བསྡུ་དངོས་བཞི་དང་ཡོངས་འབྲེལ་ཉི་ཟེར་གྱིས། །ས་སྤྱོད་སྙན་གྱི་པད་དཀར་འདབ་སྟོང་བཞད། །འདོད་ཡོན་སྦྲང་རྩིས་མྱོས་པའི་རྐང་དྲུག་རྣམས། །གཞི་གསུམ་ཆོ་གའི་གླུ་དབྱངས་མགྲིན་པར་ལེན། །མེ་ཁྱི་ལོ་རིན་ལྡིང་གྲ་ཚང་དང་ཞ་ལུ་གཞི་གྲའི་དོན་གཉེར་ཅན་མང་པོར་རྩེ་མོ་རིགས་བསྡུས་ཀྱི་དབང་ཆ་གཉིས། །རྡོར་དབྱིངས་མི་འཁྲུག་པ་འཆི་མེད་རྔ་སྒྲའི་སྨིན་བྱེད་སྩལ། ཟླ་བ་བཅུ་པའི་ཚེས་བཅུ་བདུན་ལ་ཡུམ་གཤེགས་གདོང་མགུལ་ག་ནས་རྡོ་རྗེ་འཆང་དབང་ཕྱུག་རབ་བརྟན་གྱི་ཚེམས་བཏོན་པའི་རྐེད་པ་ཆག་པའི་ནང་ངོས་རིང་བསྲེལ་ཤིན་ཏུ་མཚེར་བ་གཉིས་ཕེབས་པ་ང་རང་ལ་རྗེ་བླ་མས་ཐུགས་རྗེས་གཟིགས་པ་ཡིན་འདུག་པས་བསླང་གསུངས་ནས་འཕྲལ་དུ་གསོལ། རྗེ་ཉིད་ཀྱིས་ཐུགས་ཁྲལ་མ་གནང་ཕྱག་གཡོག་གང་དྲག་ཞུ་གསུངས་པར་དེ་འདྲ་མི་དགོས་ཁྱེད་རང་གཤེགས་དུས་ངེད་གདན་འདྲེན་ལ་ཡོད་གསུང་བ་ཡེ་ཤེས་ཀྱི་ཌཱ་ཀི་མ་སྦས་ཚུལ་ཅན་དུ་གོར་མ་ཆག་ཅིང་གནས་སྐབས་སུའང་ཡི་གེ་དྲུག་པ་དུང་ཕྱུར་བཞི་ཙམ་སོང་བའི་ཐུགས་དམ་སྨིན་པས་རི་བོ་གྲུ་འཛིན་ནས་ལག་ན་པདྨས་རྗེས་སུ་བཟུང་སྟེ་འཇའ་འོད་ཀྱི་གུར་དང་བཅས་ཞིང་ཁམས་འཕོས། རྟེན་