[A:56]mkhan slob kyi/ /rten 'brel zho la phug ron sder rjes gsal/ /sngon goms kun 'byung sa bon bskyed pa'i long / /med par nges legs zhing du rim gro ba/ /drangs tshe 'ja' ris las kyi me long la/ /shar bas dge sdig 'bras bu gcig tu mtshungs/ /bstan skyong ma mo dgyes pa'i rnam 'gyur gyi/ /ya mtshan cho 'phrul 'od gsal ngang du shar/ /rgyal ba'i mchod rten ched du srid zhi'i ljid/ /khur la mi mngon rus sbal gzugs su sprul/ /bsdu dngos bzhi dang yongs 'brel nyi zer gyis/ /sa spyod snyan gyi pad dkar 'dab stong bzhad/ /'dod yon sbrang rtsis myos pa'i rkang drug rnams/ /gzhi gsum cho ga'i glu dbyangs mgrin par len/ /me khyi lo rin lding gra tshang dang zha lu gzhi gra'i don gnyer can mang por rtse mo rigs bsdus kyi dbang cha gnyis/ /rdor dbyings mi 'khrug pa 'chi med rnga sgra'i smin byed stsal/ zla ba bcu pa'i tshes bcu bdun la yum gshegs gdong mgul ga nas rdo rje 'chang dbang phyug rab brtan gyi tshems bton pa'i rked pa chag pa'i nang ngos ring bsrel shin tu mtsher ba gnyis phebs pa nga rang la rje bla mas thugs rjes gzigs pa yin 'dug pas bslang gsungs nas 'phral du gsol/ rje nyid kyis thugs khral ma gnang phyag g.yog gang drag zhu gsungs par de 'dra mi dgos khyed rang gshegs dus nged gdan 'dren la yod gsung ba ye shes kyi DA ki ma sbas tshul can du gor ma chag cing gnas skabs su'ang yi ge drug pa dung phyur bzhi tsam song ba'i thugs dam smin pas ri bo gru 'dzin nas lag na padmas rjes su bzung ste 'ja' 'od kyi gur dang bcas zhing khams 'phos/ rten