[A:༧༠]འཛིན་ད་ཡན་རྒྱལ་པོའི་ཁྲི་འདོན་ལ་ཕེབས་ཞོར་གོང་དཀར་དུ་ཁྱབ་བདག་ཉི་མ་གླིང་པ་དག་ཞིང་དུ་གཤེགས་ཟིན་འདུག་པའི་གདུང་མཇལ་མཛད། དེ་སྐབས་ཁྲི་འབུལ་བའི་མི་ཚོགས་ཧ་ཅང་ཆེས་པས་ངེད་དང་མཇལ་གླེང་ཞིབ་པར་མ་བྱུང༌། ས་སྐྱོང་བསོད་ནམས་རབ་བརྟན་ལ་ཞ་ལུ་མཐིལ་གཙང་དགོན་གྱི་བཀའ་ཁྱབ་དགོས་ཚུལ་ཞུ་གནང་ལྟར་སྡེ་པ་ནོར་བུར་བསླབ་སྟོན་ཕེབས། གཙང་དུ་བྱོན་ནས་རྗེ་ཉི་མ་གླིང་པའི་འདྲ་སྐུ་ལེགས་པ་ཞིག་བཞེངས་པ་དང་ལྷན་དུ་དངུལ་གདུང་ཐེབས་སུ་སྲང་བཅུ་གསུམ་འབུལ་བ་གནང་དགོས་ཚུལ་ཕེབས་པའི་ཕོགས་ཞིང་སྦྱར་བར་བརྟེན་ལོ་ལོ་བཞིན་དུས་སུ་ཆག་མེད་ཚུགས་པའི་ཐུགས་ཁུར་ཆེད་དུ་བཞེས། བཀྲ་ཤིས་ལྷུན་པོར་གཙང་དགོན་སྐོར་གྱི་རྒྱུ་མཚན་འབུལ་བ་མཛད་པའི་བཅའ་ཡིག་བུ་སྟོན་རིན་པོ་ཆེའི་དུས་སོར་བཞག་ལ་ཡུལ་དུས་ཀྱི་དམིགས་བསལ་དགོས་པ་རྣམས་རྗེ་ཉིད་ཀྱིས་དབྲི་སྣོན་མཛད། དཔོན་སློབ་ཞབས་དྲུང་གི་སྤྱན་ལམ་དུ་ཕབ་པས་རིན་པོ་ཆེ་བཀའ་དྲིན་བསྐྱངས་འདི་འདྲ་ཞིག་རང་དགོས་གསུངས་དགྱེས་པའི་གསུང་དང་བཅས་མཇུག་ཏུ་བུ་སྟོན་རིན་པོ་ཆེར་ཧོར་རྒྱལ་པོས་གནང་བའི་ཤེལ་ཐམ་གྱིས་མནན། ཀུན་མཁྱེན་བུ་སྟོན་རིན་པོ་ཆེར་གསོལ་འདེབས་དང་བསྟན་པ་ཡུན་རིང་གནས་པའི་སྨོན་ལམ་གསུང་རྩོམ་གནང༌། སྐུ་ཞབས་པ་ཁ་ཅིག་ལ་རིན་པོ་ཆེ་ལྟ་བུ་ཐམས་ཅད་ཀྱིས་བྱས་ན་རང་ལུགས་ཀྱི་བསྟན་པ་ལ་དགའ་མོ་ཡོད་པར་གདའ་སྟེ་གསུངས་སྐད། གཞིས་ཀ་རྩེ་ནས་མི་སྣའི་ཚ་འཇུན་དང་བཅས་འཇོལ་ཉོག་ཏུ་སྤྱོད་པ་རྣམ་ལ་ཉིན་གཅིག་ལ་ཕྱི་རོལ་ཏུ་དབྱུང་ནས་ཁྲིམས་ལེགས་པར་བསྡམས་ཏེ་ད་ལྟའི་བར་དུ་གནས་པ་དམ་པ་འདིའི་བཀའ་དྲིན་ནི་ཞ་